PA'JARIANG 25:28 - KITTA' MATANGKASA'

²⁸ Ishak la'bi nangaiangngangi Esau, lanri nangaina Ishak angnganre dageng nisosoka. Mingka Ribka la'bi nangaiangngangi Yakub.

PA'JARIANG 25:28 Referans Kwoze

PA'JARIANG 27:19

Appialimi Yakub angkana, “Esau, ana' toata. Le'ba'mi kugaukang pasanta. Ammempo maki' siagang angnganre maki' dageng kugappaya kusoso' anne, sollanna akkulleki' ambarakkakia'.”

PA'JARIANG 27:31

Appallu tommi kanre-kanreang nyamang, nampa naerang mange ri manggena. Nakana, “Ammempo maki' Bapa', siagang angnganre maki' dageng kueranga untu' ikatte, sollanta akkulle ambarakkakia'.”

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 27:25

Nakanamo Ishak, “Sareamma' anjo dagenga. Punna le'ba' kukanre nampa mako lakusare barakkakku.” Napassareammi Yakub anjo dagenga mae ri ia siagang sike'de' anggoro' untu' nainung.

PA'JARIANG 27:9

A'lampako mange ri tampa'na gimbalatta, nanupilei ruang kayu bembe co'moka, sollanna kupallu sangkamma pallu-pallu nangaia manggenu.

PA'JARIANG 27:3

Jari allemi pananu siagang anronna, a'lampamako mange assoso' olo'-olo' ri paranga.

PA'JARIANG 27:14

Jari a'lampami Yakub angngallei anjo bembea na naerang mae ri amma'na. Nampa napallu Ribka a'jari pallu-pallu pangngainna Ishak.