PA'JARIANG 24:67 - KITTA' MATANGKASA'

⁶⁷ Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

PA'JARIANG 24:67 Referans Kwoze

PA'JARIANG 38:12

Siapa are wattu ribokoanganna, mate tommi bainenna Yehuda. Ri wattunna le'ba'mo wattu kasusaanga, a'lampami mange ri Timna, ri tampa' sikamma gimbala'na untu' anggoncingi bulunna. Nakio' tommi Hira, anjo aganna battua ri Adulam.

PA'JARIANG 37:35

Sikontu ana'na, baji' bura'ne yareka bainea battu ngasemmi ansaleori, mingka taerokai nisaleori. Nakanamo, “Sa'gengku mate tuli lakukarrukinna anjo anakku.” Kammaminjo tuli susana lanri ana'na Yusuf.

1 TESALONIKA 4:15

Untu' anjo passalaka, iaminne pangngajara'Na Batara, eroka napabattu ikambe mae ri kau ngaseng: Punna battu sallang Isa, ikatte tau attallasaka ija talanipilumbayai tau la'bi rioloa mate.

1 TESALONIKA 4:13

Sikamma sari'battangku; kikellaiko sollanna nuasseng antekamma sitojenna ri passala'na tau mateamo; sollanna tena nasi'na pa'mai'nu sangkamma tau maraenga, tenaya panrannuanna.

KELONG MALA'BIRI' 8:2

Lakuerangko mange ri balla'na ammakku, sollanna akkullea' nuajara'. Lakusareko angnginung anggoro' bauka rasanna, siagang je'ne' rappo delima.

PA'JARIANG 29:18

Yakub tu'guru'mi pangngainna mae ri Rahel. Jari appialimi ri Laban angkana, “Erokka' anjama ri katte tuju taung sallona purina, punna kikellaia' a'bunting siagang Rahel.”

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 18:6

Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

PA'JARIANG 24:66

Nampa nacaritamo anjo suroa mae ri Ishak sikamma apa le'baka nagaukang.

PA'JARIANG 25:1

A'nikkami pole Abraham siagang sitau baine niarenga Ketura.