PA'JARIANG 24:55 - KITTA' MATANGKASA'

⁵⁵ Mingka nakanamo daenna siagang amma'na Ribka, “Boli'mi kamma nammantang rolong Ribka siagang ikambe, kira-kira sidaminggu yareka sampulo allo pole. Le'bappi anjo nampa akkulle a'lampa.”

PA'JARIANG 24:55 Referans Kwoze

HAKING-HAKING 14:8

Tena nasiapa sallona a'lampami pole Simson untu' ambuntingi anjo tuloloa. Lalang a'jappana, assengkami mange anciniki anjo singa le'baka nabuno, wattunna mange battu ri anjo tampaka, jai sikalimi bani lalang ri kalenna anjo singaya. Na nia' todong je'ne' bani.

KAIMANGNGANG 25:29

Punna nia' tau a'balu' sibatu balla' lalang kota nikulilingia kalli' tembo', akkullei napasulu' anjo balla'na lalang wattu sitaung, appakkaramula nirekeng battu ri tanggala' nabalukanna anjo ballaka.

PA'JARIANG 4:3

Siapa are wattu ribokoanganna naallemi Kain siapa are wassele' lamung-lamunna nampa nakoro'bangkang mange ri Batara.

HAKING-HAKING 19:4

na napala' dudumo sollanna tenamo nammotere' rolong. Lanri kammana, ammantammi tallu allo tallu bangngi sipa'bangngiang anjo baine piarana.

PA'JARIANG 24:56

Mingka nakanamo anjo suroa, “Teaki' tahangia'. Batara antulunga' nakkulle anjari baji' anne pa'jappangku; boli'ma' kamma nakuammotere'mo mae ri karaengku.”