PA'JARIANG 24:29 - KITTA' MATANGKASA'

^29-30 Anjo Ribka nia' sitau daenna bura'ne niarenga Laban. Nalangngereki anjo caritana andi'na ri passala'na anjo apa napaua anjo suroa. Nacini' tommi anjo anting-anting niaka ri ka'murunna siagang ponto niaka ri limanna anjo andi'na. Jari larimi Laban assulu' battu ri balla' untu' anruppai anjo surona Abraham, ia niaka ija ammenteng siagang untana ngaseng ri ampi'na bungunga.

PA'JARIANG 24:29 Referans Kwoze

PA'JARIANG 29:5

Akkuta'nammi pole Yakub nakana, “Kiassengi Laban ana'na Nahor?” Appialimi ke'nanga angkana, “Naassengi ikambe”.

PA'JARIANG 29:13

Nalangngere'na Laban anjo kabara'na Yakub kamanakanna, larimi ero' mange ambuntuli. Naraka'mi Laban anjo Yakub siagang nabaumi nampa naerang antama' ri balla'. Le'ba'na nacarita ngaseng Yakub sikamma passalaka ri batangkalenna mae ri Laban,

PA'JARIANG 24:55

Mingka nakanamo daenna siagang amma'na Ribka, “Boli'mi kamma nammantang rolong Ribka siagang ikambe, kira-kira sidaminggu yareka sampulo allo pole. Le'bappi anjo nampa akkulle a'lampa.”

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 27:43

Jari gaukangi anne kanangku. A'lampako linta' mange ri daengku Laban ri Haran,

PA'JARIANG 28:2

A'lampako mange ri Mesopotamia, ri bijanna Betuel, toanu, nampa a'bunting mako siagang kalase'renna ana'na purinannu Laban.