PA'JARIANG 24:24 - KITTA' MATANGKASA'

²⁴ Appialimi anjo tuloloa angkana, “Manggeku niarengi Betuel, ana'na Nahor siagang Milka.

PA'JARIANG 24:24 Referans Kwoze

PA'JARIANG 24:15

Ilalang appala' doanna anjo, nia'mi battu Ribka, iamintu sitau tulolo sannaka ga'gana, angngerang bongki irate ri salangganna mange anjoreng ri bungunga. Iami ana'na Betuel. Na ia tau toana anjo Betuel iamintu Nahor siagang Milka. Na anjo Nahor, iami daenna Abraham. Mangemi Ribka anjoreng ri bungunga nampa nabonei bongkina, nampa a'jappa ammotere'.

PA'JARIANG 22:23

ia a'jaria sallang manggena Ribka. Iaminjo sagantuju ana' nalassukanga Milka battu ri bura'nenna Nahor, sari'battanna Abraham.

PA'JARIANG 22:20

Nia' daenna Abraham niareng Nahor. Le'ba'na anjo kajarianga ri Bulu' Moria, nalangngere' kabara'mi Abraham angkana Milka, iamintu bainenna Nahor, nia'mo sagantuju ana' bura'nena, iamintu:

PA'JARIANG 11:29

Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.

PA'JARIANG 24:23

Nampa nakana anjo suroa, “Pau sai bedeng inai manggenu. Maka nia' pa'bangngiang ri balla'na untu' inakke siagang sikamma taungku?”

PA'JARIANG 24:25

Ri balla'na ikambe nia'ja tampa' pa'bangngiang untu' ikatte, kammayatompa jai ruku' untu' kanre olo'-olo'.”

PA'JARIANG 24:47

Le'baki anjo akkuta'namma' angkana, ‘Inai manggenu?’ Nappialimo angkana, ‘Manggeku iamintu Betuel, ana'na Nahor siagang Milka.’ Nampa kupipakeimo anting-anting bulaeng ka'murunna siagang sipasang ponto ri limanna.

PA'JARIANG 29:5

Akkuta'nammi pole Yakub nakana, “Kiassengi Laban ana'na Nahor?” Appialimi ke'nanga angkana, “Naassengi ikambe”.