Biblia Todo Logo
Bib sou entènèt

- Piblisite -




PA'JARIANG 24:10 - KITTA' MATANGKASA'

10 Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

Gade chapit la Kopi




PA'JARIANG 24:10
19 Referans Kwoze  

lanri tena naero' ke'nanga assareko kanre siagang je'ne' inung lalang pa'jappannu assulu' battu ri Mesir. Ba'lalo nagaji ke'nanga Bileam, ana'na Beor battu ri kota Petor ri Mesopotamia, untu' antunraiko.


A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.


Ikatte tu battua ri pa'rasangang Partia, Media, Elam; Mesopotamia, Yudea, Kapadokia, Pontus, Asia,


Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.


Napatulusu'mi jappana Yakub, a'lampa mange ri pa'rasangang bageang rayanganna Kanaan.


Jari gaukangi anne kanangku. A'lampako linta' mange ri daengku Laban ri Haran,


Ri se'reang allo nakanamo Abraham ri surona kaminang toaya, ia angngurusukai sikontu pa'barang-baranganna, “Padongkoki limannu ri alla'na bonggangku.


Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.


Nampa anjoremmo Terah ammoterang, ri wattunna 205 taung umuru'na.


Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.


Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.


Ti'ring nia'mo nacini' se're bungung ri paranga. Na ri ampi'na nia'mo tallung pa'rappungang bembe siagang gimbala', ia biasaya nisare je'ne' inung anjoreng. Anjo bungunga nitongkoki siagang batu lompo.


Ri wattunna 70 taung umuru'na Terah, nisaremi tallu ana' bura'ne, iamintu: Abram, Nahor, siagang Haran.


Nia' daenna Abraham niareng Nahor. Le'ba'na anjo kajarianga ri Bulu' Moria, nalangngere' kabara'mi Abraham angkana Milka, iamintu bainenna Nahor, nia'mo sagantuju ana' bura'nena, iamintu:


Swiv nou:

Piblisite


Piblisite