PA'JARIANG 23:17 - KITTA' MATANGKASA'

¹⁷ Kammaminjo na'jari napatangmo Abraham anjo kokonna Efron, ia niaka ri Makhpela, irayanganna Mamre. Anjo tampaka iamintu koko siagang kali'bonna kammayatompa sikontu poko'-poko'na, kammayami poko'-poko' niaka todong ri sikamma pa'baeng-baenna.

PA'JARIANG 23:17 Referans Kwoze

PA'JARIANG 50:13

Naangka'mi ke'nanga anjo maya'na mange ri Kanaan nampa natarawang lalang ri kali'bong Makhpela, irayanganna Mamre, ri koko le'baka naballi Abraham battu ri Efron, anjo tu Het, untu' nipa'jari pa'jerakkang.

PA'JARIANG 25:9

Nitarawammi ri ana'-ana'na, iamintu Ishak siagang Ismael, lalang ri Kali'bong Makhpela, niaka ri kokoa ri bageang rayanganna Mamre. Anjo kokoa riolo Efron ana'na Zohar, tu Het pata.

PA'JARIANG 23:20

Kammaminjo sa'genna anjo kokoa siagang kali'bonna, napatanga tu Het riolo, a'jarimi napatang Abraham untu' a'jari butta pa'jerakkang.

LAMPA-LAMPANA 7:16

Nampa ri bokoang allo nipalette'mi jera'na ammotere' mange ri Sikhem, iamintu jera' le'baka naballi riolo Abraham battu ri bansa Hemor ri Sikhem.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

EFESUS 5:15

Lanri kammana, parhatikangi baji'-baji', antekamma katallassannu. Teako attallasaki sangkamma tau dongoka. Attallasakko sangkamma tau cara'de'.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PA'JARIANG 47:30

Erokka' nitarawang ri tampa'na boe-boeku; erangi mayakku battu anrinni ri pa'rasanganga nampa nueranga' mange nutarawang ri pa'jerakkanna ke'nanga.” Appialimi Yusuf angkana, “Iye', lakugaukammi antu kananta bapa'.”

PA'JARIANG 25:10

Mingka le'ba'mi naballi Abraham. Bainenna Abraham, iamintu Sara, anjoreng tongi nitarawang.

AYUB 38:20

Maka akkulleko ampattantui pa'baeng-baenna sassanga siagang singaraka? Yareka ansuroi ke'nanga ammotere' punna niaki battu?