PA'JARIANG 22:20 - KITTA' MATANGKASA'

²⁰ Nia' daenna Abraham niareng Nahor. Le'ba'na anjo kajarianga ri Bulu' Moria, nalangngere' kabara'mi Abraham angkana Milka, iamintu bainenna Nahor, nia'mo sagantuju ana' bura'nena, iamintu:

PA'JARIANG 22:20 Referans Kwoze

PA'JARIANG 11:29

Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.

PA'JARIANG 24:24

Appialimi anjo tuloloa angkana, “Manggeku niarengi Betuel, ana'na Nahor siagang Milka.

PANGNGEBARANG 25:25

Annarimaya kabara' baji' battu ri pa'rasangang bella sanrapangi angnginung je'ne' dinging ri wattu turere.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 24:15

Ilalang appala' doanna anjo, nia'mi battu Ribka, iamintu sitau tulolo sannaka ga'gana, angngerang bongki irate ri salangganna mange anjoreng ri bungunga. Iami ana'na Betuel. Na ia tau toana anjo Betuel iamintu Nahor siagang Milka. Na anjo Nahor, iami daenna Abraham. Mangemi Ribka anjoreng ri bungunga nampa nabonei bongkina, nampa a'jappa ammotere'.

PA'JARIANG 24:10

Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

PA'JARIANG 11:26

Ri wattunna 70 taung umuru'na Terah, nisaremi tallu ana' bura'ne, iamintu: Abram, Nahor, siagang Haran.

PA'JARIANG 22:21

Us, ia kaminang toaya, Bus, andi'naya, Kemuel, ia a'jaria manggena Aram,

PA'JARIANG 11:27

Iaminne sossoranna Terah: Terah iami manggena Abram, Nahor, siagang Haran. Haran nia' ana'na bura'ne, niareng Lot.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”