PA'JARIANG 22:16 - KITTA' MATANGKASA'

¹⁶ “Nakana Batara: AssumpA' lanri areng KalengKu, lanri nugaukanna anne kammaya siagang tena nanutollaki untu' ampassareangi anjo ana' sitau-taunu mae ri Nakke,

PA'JARIANG 22:16 Referans Kwoze

LUKAS 1:73

Le'ba'mi assumpa ri boeta Abraham, a'janji ero' ampasalamakki' battu ri musunta ngaseng, sollanta akkulle allayani ri Ia

PAMMUJI 105:9

Anjo parjanjianNa Napareki siagang Abraham, nampa mae ri Ishak;

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

YEREMIA 49:13

AssumpA' lanri areng KalengKu angkanaya kota Bozra la'jari tampa' appakamallaki, nibokoia ri taua. Lanikakkali ri taua siagang lanapakei arenna a'jari kana pattunra. Sikontu desaya niaka ri tammulilina la'jari rumbangngang kabusuki sa'genna satunggu-tungguna. INakke, Batara, anne akkana.”

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

PA'JARIANG 22:2

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PA'JARIANG 22:15

Sikalipi pole akkio' malaeka'Na Batara battu ri langika mae ri Abraham, angkana,

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PA'JARIANG 26:5

LaKubarakkaki ngasengko, lanri le'ba'namo mannuruki Abraham ri Nakke siagang nakatutui sikamma hukkungKu siagang parentaKu.”

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

KALAPPASSANG 17:16

Nakana Musa, “Ta'galaki tinggi-tinggi banderaNa Batara! KalenNa Batara a'bundu' angngewai tu Amalek sa'genna satunggu-tungguna!”

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

1 PATTOTTORANG 16:16

Appareki parjanjiang siagang Abraham nampa pole siagang Ishak,

YEREMIA 22:5

Mingka punna tena nuturuki parenta-parentaKu, assumpA' angkanaya anne balla' karaenga la'jari loro-loro mami le'ba' nakanre pepe'. INakke, Batara, anne akkana.

YEREMIA 44:26

Mingka kamma-kamma anne pilangngeri apa Kupaua mae ri kau, he tu Israel niaka ri Mesir: INakke, Batara, assumpA' lanri arengKu mala'birika, angkanaya tenamo naKupa'biangko ampakei arengKu untu' appare' janji. Takkulleako angkana, ‘Assumpa' lanri Allata'ala mattallasaka!’

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.