PA'JARIANG 21:8 - KITTA' MATANGKASA'

⁸ Pila' a'bakka'mi anjo anaka. Na ri wattunna narapi'mo wattunna nisa'la susu anjo anaka, appare'mi Abraham passua'-suarrang.

PA'JARIANG 21:8 Referans Kwoze

1 SAMUEL 1:22

Mingka anjo wattua tamminawangai Hana. Nakana ri bura'nenna, “Le'bappi sallang nisa'la' susu nampa kuerang Samuel mange ri Balla'Na Batara, nammantammo anjoreng lalang sikontu tallasa'na.”

HOSEA 1:8

Le'baki ana'na ikambe makaruaya nisa'la' susu, tianammi pole bainengku nampa allassukang sitau ana' bura'ne.

PAMMUJI 131:2

Sitojenna, sannangi pa'maikku na tena nalussa'; sanrapang ana' lolo le'baka anynyusu, sannang tinrona niriwa ri amma'na, kammaminjo sannanna pa'maikku.

1 KARAENG-KARAENG 3:15

Ambangunnamo Salomo, nasadarimi angkanaya le'baki a'bicara Allata'ala mae ri ia lalang so'na. Jari ammotere'mi mange ri Yerusalem nampa ammenteng ri dallekanna Patti ParjanjianNa Batara, siagang assaremi koro'bang nitunu kammayatompa koro'bang pappasiamakkang. Nampa appare'mo passua'-suarrang untu' sikontu pagawena.

2 SAMUEL 3:20

Ri wattunna andallekang Abner siagang ruampulo ana' buana ri Daud ri Hebron, appare'mi passua'-suarrang Daud untu' ke'nanga.

PA'JARIANG 40:20

Tallungngalloi pole, narapi'mi allo kalassukanna karaenga. Appare'mi passua'-suarrang untu' sikontu pagawena. Naparentakammi sollanna nipasulu' battu ri tarungkua anjo pangngurusu' inunganga siagang pangngurusu' rotia, nampa nierang mange ri dallekanna sikontu pagawea ri balla' karaenga.

PA'JARIANG 29:22

Appare'mi passua'-suarrang pa'buntingang Laban siagang naundang ngaseng tommi sikamma taua ri anjo kotaya.

PA'JARIANG 26:30

Nampa natoanamo Ishak anjo ke'nanga, siagang angnganremi nangnginung ke'nanga.

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

ESTER 1:3

Ri makatallun taunna ammarenta, appare'mi acara passua'-suarrang lompo anjo Karaeng Ahasyweros untu' sikamma tumalompona siagang pagawe-pagawena. Hadere' tongi panglima tantarana Persia siagang Media ri anjo passua'-suarranga. Kammayatompa sikamma guburnur siagang pagawe-pagawe tinggi battua ri daera propinsi nia' ngaseng tongi hadere'.

1 SAMUEL 25:36

Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.

HAKING-HAKING 14:12

Nakanamo Simson ri ke'nanga, “Nia' tappu-tappuangku. Punna nukullei nutappu, massing kusareko silawara' kaeng lenang halusu' siagang sipasang pakeang ga'ga. Kusareko kasampatang tuju allo lalang passua'-suaranna anne pa'buntinganga untu' antappui.

HAKING-HAKING 14:10

A'lampanamo Simson mange ri balla'na anjo tau loloa, appare'mi passua'-suarrang Simson anjoreng. Nasaba' kammaminjo kabiasanna tau rungka-rungkaya.

PA'JARIANG 21:7

Nampa nakana pole, “Inai le'ba' angkana ri bura'nengku angkanaya lakkullea' lappasusu ana'? Mingka kamma-kamma anne ammana'ma', manna pole nasanna'mo toana bura'nengku.”

PA'JARIANG 21:9

Ri se'reang allo, anjo Ismael iamintu ana'na Abraham battua ri Hagar, anjo baine battua ri Mesir, sitabangi akkarek-karena siagang Ishak, ana'na Sara.

1 SAMUEL 1:24

Le'baki nisa'la' anynyusu Samuel, niantara'mi ri amma'na mange ri Balla'Na Batara ri Silo. Anjo wattua ca'di dudu iji Samuel. Angngerang tommi Hana sikayu sapi laki umuru' tallun taunga, gandung sampulo kilo battala'na, siagang sipammoneang rassia anggoro'.