PA'JARIANG 21:3 - KITTA' MATANGKASA'

³ Naaremmi Abraham anjo anaka Ishak;

PA'JARIANG 21:3 Referans Kwoze

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

ROMA 9:7

Tena nasikontu sossoranna Abraham a'jari ana'-ana'Na Allata'ala. Nasaba' Nakana Allata'ala ri Abraham, “Sossorannaji bawang Ishak laniareng sossorannu.”

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

IBRANI 11:18

Le'baki angkana Allata'ala mae ri Abraham, Nakana, “Battu ri iaminne Ishak lanugappa sossorang le'baka Kupa'janjiang mae ri kau.”

MATIUS 1:2

Abraham, Ishak, Yakub, Yehuda massari'battang, Peres siagang Zerah (amma'na ke'nanga niarengi Tamar), Hezron, Ram, Aminadab, Nahason, Salmon, Boas (amma'na niarengi Rahab), Obed (amma'na niarengi Rut), Isai, na Karaeng Daud.

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,

LAMPA-LAMPANA 7:8

Le'baki akkana kamma Allata'ala, Napa'jari assami anjo janjinNa lalang pangngadakkang sunnaka. Jari ri wattunna lassu' ana'na Abraham, iamintu Ishak, nasunna'mi anjo ana'na ri wattunna sagantuju allomo umuru'na. Nampa ribokoanganna sallang nasunna' tommi ana'na Ishak, iamintu Yakub. Nakamma tomminjo Yakub, nasunna' tongi anjo ana'na sampuloa anrua, a'jaria boe-boena bansa Yahudia.

PA'JARIANG 22:2

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

PA'JARIANG 21:12

Mingka Nakanamo Allata'ala ri Abraham, “Teako ranggaselai ri passala'na anjo atannu Hagar siagang ana'na. Turukimi ero'na Sara, nasaba' battu ri Ishak sallang nalanugappa anjo turungang le'baka Kupa'janjiang.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

PA'JARIANG 25:19

Iaminne riwaya'na Ishak, ana'na Abraham.