PA'JARIANG 21:23 - KITTA' MATANGKASA'

²³ Lanri kammana, assumpamako anrinni ri dallekanNa Allata'ala, angkanaya tena nulakodi ateka' mae ri nakke, kammayatompa mae ri ana'-anakku, yareka ri turungangku. Sangkamma inakke bajiki pa'maikku mae ri kau, kamma tomminjo kupalaki nukamma todong anjo mae ri nakke siagang mae ri anne pa'rasangang nupammantangngia.”

PA'JARIANG 21:23 Referans Kwoze

YOSUA 2:12

Kuminasai kiero' assumpa lanri arenNa angkanaya lakigau' bajiki kaluargaku sangkamma apa le'baka kugaukang mae ri katte. A'janji maki' angkanaya tena nalakibuno anrong manggeku, sikamma sari'battangku siagang sikamma kaluargana ke'nanga, passangalinna lakila'langngi. Siagang sarema' se're pammatei ri ma'nassana angkanaya akkulle ngasengki' nipatappa'!”

PA'JARIANG 20:14

Le'baki anjo napoterammi Abimelekh anjo Sara mae ri Abraham siagang anjo wattua nisare tommi Abraham siapa are ata, gimbala' siagang sapi.

IBRANI 6:16

Punna nia' tau assumpa, areng tumaraeng la'bi tinggianganga napau, sa'genna akkullemo napa'le'ba' pa'geakkanna ri passabakkang anjo sumpaya.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

1 SAMUEL 30:15

Nampa akkuta'nang Daud ri ia angkana, “Ero' jako angngantarakka' mange ri tampa'na anjo garombolanga?” Appialimi nakana, “Ero'ja', assala' a'janjiki' mae ri nakke lanri arenNa Allata'ala, angkanaya tena nalakibunoa' yareka kipassareanga' mae ri pinggawaku.”

1 SAMUEL 20:42

Nampa nakanamo Yonatan ri Daud, “Tapporo Natulung laloko Allata'ala. LaNajamingi Batara angkanaya ikatte siagang turunganta tuli lanata'gala' jarreki parjanjianta sipa'rua ri dallekanNa Allata'ala.” Le'baki anjo a'lampami Daud, nampa a'lampa tommo Yonatan ammotere' mange ri kotaya.

1 SAMUEL 20:17

Jari makapinruanna Yonatan nasuromi Daud a'janji untu' angkamaseangi, nasaba' ia nakamaseangi Daud sangkamma batangkalenna.

1 SAMUEL 20:13

Punna erokko nacilakai, tantu lakupauang tongko, sollanna akkulle nupasalama' kalennu. Tapporo Nabunoa' Batara punna tena nakugaukang anjo kammaya. Tapporo Natulungko Batara, sangkamma ia le'ba' tommi nitulung ri Batara.

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 31:44

Lanri kammana, umba kippare' parjanjiang, nampa nisusung anne batu-batua untu' a'jari pammatei ri anjo parjanjianga.”

PA'JARIANG 26:28

Appialimi ke'nanga angkana, “Kamma-kamma anne naassemmi ikambe angkanaya Najagaiko Batara, siagang napikkiriki ikambe angkanaya bajiki punna apparekki' parjanjiang. Assumpa mako

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 21:24

Nakanamo Abraham, “Assumpama'.”

PA'JARIANG 47:31

Nakanamo Yakub, “Assumpa mako angkana lanugaukangi.” Assumpami Yusuf, nampa appala' sukkuru'mo Yakub ri katinroanna.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.