PA'JARIANG 21:2 - KITTA' MATANGKASA'

² Situru' ri wattu le'baka Napattantukang Allata'ala, ri wattu toanamo Abraham, attianammi Sara nampa ammana' sitau ana' bura'ne.

PA'JARIANG 21:2 Referans Kwoze

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

GALATIA 4:22

Nia' lalang tattulisi' angkanaya nia' rua ana'na Abraham: amma'na anjo ana' se'rea iamintu ata. Na amma'na anjo ana' maraengannaya iamintu tau bebasa'.

LAMPA-LAMPANA 7:8

Le'baki akkana kamma Allata'ala, Napa'jari assami anjo janjinNa lalang pangngadakkang sunnaka. Jari ri wattunna lassu' ana'na Abraham, iamintu Ishak, nasunna'mi anjo ana'na ri wattunna sagantuju allomo umuru'na. Nampa ribokoanganna sallang nasunna' tommi ana'na Ishak, iamintu Yakub. Nakamma tomminjo Yakub, nasunna' tongi anjo ana'na sampuloa anrua, a'jaria boe-boena bansa Yahudia.

LUKAS 1:36

U'rangi: anjo bijannu Elisabet tianang annang bulammi, manna natoamo, siagang nakana taua tamanangi.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PA'JARIANG 18:10

Nakanamo kalase'renna ke'nanga, “Salapang bulang sallang sallona nakulammotere' pole mae anrinni. Na anjo wattua, anjo bainennu Sara langgappami sitau ana' bura'ne.” Anjo wattua niaki Sara ampilangngeri bicaranna ke'nanga ri pakke'bu' kemaya, ri bokona anjo toanaya.

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

ROMA 9:9

Nasaba' kammami anne janjinNa Allata'ala, “Punna narapi'mo wattu le'baka nipattantu labattua pole, nalania'mo ana'na Sara, sitau ana' bura'ne.”

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,