PA'JARIANG 2:7 - KITTA' MATANGKASA'

⁷ Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 2:7 Referans Kwoze

1 KORINTUS 15:45

Nia' tattulisi' lalang ri Kittaka angkanaya, “tau riolo dudua, iamintu Adam, a'jari tu mattallasa',” mingka ia Adam kala'busanga iamintu Roh assarea katallassang.

AYUB 33:4

RohNa Allata'ala ampa'jaria' siagang assarea' tallasa'.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

1 KORINTUS 15:47

Adam rioloa butta nipa'jari, mingka Adam makaruaya battu ri suruga assala'na.

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

AYUB 27:3

assumpa' kukana: Lalang Nasareku ija nappasa' Allata'ala, lalang nia'na ija nyawa lalang ri kalengku,

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

PAMMUJI 103:14

Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

YESAYA 2:22

Jari, teako manrannuangngi mae ri rupatau lamatea, nasaba' anjo ke'nanga tena anggaranna.

PA'JARIANG 3:23

Jari Nabongkami Karaeng Allata'ala anjo taua battu ri koko Eden na Nasuro angngusaha butta a'jaria assala'na.

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PANGNGEBARANG 20:27

Ati mailalanna taua iami singara' battu ri Batara ansingari sikontu atinna.

AYUB 33:6

Mae ri Allata'ala, ikau siagang inakke tena sisalata battu ri butta pi' ngaseng jaki' nipa'jari.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

2 KORINTUS 4:7

Mingka anjo pa'barang-barangang rohani ga'gaya, ikambemi anne angngerangi, iami antu tubu tenaya anggaranna lanri buttaji nipare'. Lanri kammana, ma'nassami angkanaya anjo koasa malompoa niaki ri Allata'ala, jari tena nania' ri kambe.

YOHANES 20:22

Nampa Natui' ke'nanga na Nakana, “Tarimami RohNa Allata'ala.

AYUB 4:19

La'bipa apa attallasa' nipareka battu ri butta pi', limbu'buka nipare', akkullea niti'rasa' rapang alitana!

PAMMILANGNGANG 27:16

nakana, “O, Karaeng Allata'ala, assarea' katallassang mae ri sikontu apa attallasaka, kupalaki, Ki'jo'joki sitau akkullea ampimpingi anne bansaya;

KATO'BA 3:7

wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.

1 TIMOTIUS 2:13

Nasaba' ia uru-uru nipa'jaria ri Allata'ala iamintu Adam nanampa Hawa.

PA'JARIANG 2:6

Mingka appakaramulami je'neka assulu' battu ri buttaya nanabasai tompo'na buttaya.

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

YEHEZKIEL 37:5

“INakke Batara Kaminang Tinggia ampatuiki nappasaka antama' ri kalennu sollannu attallasa' poleang.

PA'JARIANG 1:27

Kammaminjo bateNa Allata'ala ampa'jari rupataua, na Napa'jari ke'nanga sanrapang KalenNa. Napa'jarimi ke'nanga bura'ne siagang baine.

YEHEZKIEL 37:6

Kusareko ammotere' ura'-ura' siagang assi kammayatompa Kurokokko bukkuleng. LaKusareko nappasa' sa'gennu attallasa' poleang. Jari nuassemmi angkanaya iNakkemi Batara.”