PA'JARIANG 2:5 - KITTA' MATANGKASA'

⁵ tenapa bine attimbo siagang tenapa lamung-lamungang ri buttaya, lanri tenapa Napaturungi Batara bosia siagang tenapa tau lanjamai anjo buttaya.

PA'JARIANG 2:5 Referans Kwoze

PA'JARIANG 3:23

Jari Nabongkami Karaeng Allata'ala anjo taua battu ri koko Eden na Nasuro angngusaha butta a'jaria assala'na.

IBRANI 6:7

Anjo butta masarroa annarima je'ne' bosi, nampa angngerang wassele' lamung-lamung kabajikang mae ri tau akkaresoa, Nabarakkaki Allata'ala.

AYUB 5:10

Appaturungi bosi ri buttaya, sa'genna nabasai kokoa siagang paranga.

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

PA'JARIANG 4:2

Nampa ammana'mo pole Hawa sitau ana' bura'ne, niarenga Habel. Habel a'jari pakalawaki gimbala', mingka Kain a'jari pamarri.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

PAMMUJI 135:7

Battu ri cappa'na buttaya appabattui rammang, appareki kila' untu' bosi. Nampa Naparenta anginga sollanna assulu' battu ri tampa' pammolikanNa.

PAMMUJI 104:14

Kipattimboi ruku'-rukuka untu' kanre olo'-olo', na sangka' rupa lamung-lamung untu' rupataua. Akkullei a'lamung-lamung,

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

PA'JARIANG 2:6

Mingka appakaramulami je'neka assulu' battu ri buttaya nanabasai tompo'na buttaya.

YEREMIA 10:12

Napa'jari Batara buttaya lanri koasaNa, Napareki linoa lanri kacara'dekanNa na Naka'rang langika lanri akkala' poreNa.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.