PA'JARIANG 2:25 - KITTA' MATANGKASA'

²⁵ Assolaraki anjo bura'nea siagang bainea, mingka tena nasiri'-siri' nakasia'.

PA'JARIANG 2:25 Referans Kwoze

PA'JARIANG 3:7

Silalonna memang le'ba'na nakanre anjo rappo kayua, tassungkemi akkala'na ke'nanga siagang naassemmi kalenna ke'nanga assolara'. Jari nakalimbukimi kalenna ke'nanga siagang leko' kayu naanyanga ke'nanga.

ROMA 10:11

Nia' tattulisi' lalang ri Kittaka angkanaya, “Inai-nai tappa' tena nalanipakala'ba pa'mai'na.”

YO"EL 2:26

Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

LUKAS 9:26

Inai-nai siri'-siri' angngakuiA' siagang antarimai pangngajarangKu, lasiri'-siri' tongi Ana' Ma'rupataua angngakui sallang punna battu siagang koasaNa, kammayatompa koasaNa ManggeNa siagang koasana malaeka'-malaeka' matangkasaka!

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

KALAPPASSANG 32:25

Nasadarimi Musa angkanaya nabalang parekangi Harun anjo bansa Israel rapang jarang lappasaka battu ri barana, sa'genna nikakkalimo ke'nanga ri musu-musunna ke'nanga.

MARKUS 8:38

Punna nia' tau siri'-siri' angngakuiA' siagang pangngajarangKu ri anne jammang sannaka dorakana siagang ja'dala'na, tena todong Naero' Ana' Ma'rupataua angngakui sallang punna battui siagang koasaNa ManggeNa, nirurungang ri malaeka'-malaeka' matangkasa'Na.”

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YESAYA 44:9

Anjo tau appareka barhala tena matu-matunna, siagang anjo rewata-rewata napakalompoa ke'nanga tena anggaranna. Tau anynyombaya ri anjo patunga butai siagang tena apa-apa naasseng, lanri kammanna lasiri'-siriki ke'nanga napakamma.

PAMMUJI 31:17

Poro nia' pangngellainTa mae ri atanTa; pasalama' laloa' lanri pangngamaseanTa.