PA'JARIANG 2:21 - KITTA' MATANGKASA'

²¹ Nampa Napa'jari attinromo Karaeng Allata'ala anjo taua. Nalalang attinrona, Napasulu'mi Karaeng Allata'ala kalase'renna buku rusu'na battu ri kalenna anjo taua, nampa natongko' ammotere' siagang dageng anjo bate pammantanganna buku rusu'na.

PA'JARIANG 2:21 Referans Kwoze

PA'JARIANG 15:12

Ri wattu appakkaramulanamo labu alloa, attinromi Abram. Ti'ring nibattuimi ri pakkasia' malla' dudua.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

1 SAMUEL 26:12

Jari naallemi Daud pokena Saul siagang pammoneang je'ne'na battu ri ba'leang ulunna Saul, nampa a'lampa. Tena manna sitau anciniki anjo kajarianga yareka angngassengi anjo passalaka, yareka ambangung, nasaba' nipa'jari jannang ngasengi tinrona ke'nanga ri Batara.

DANIEL 8:18

Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

AYUB 33:15

Kamanna nyamang tinrona taua ri wattu bangngia, A'bicarai Allata'ala lalang so'na siagang paccini'.

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

1 KORINTUS 11:8

nasaba' tena nabattu ri tu bai'-bainea nanipa'jari tu bura'-bura'nea, passangalinna tu bai'-baineaji nipa'jari battu ri tu bura'-bura'nea.