PA'JARIANG 19:17 - KITTA' MATANGKASA'

¹⁷ Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

PA'JARIANG 19:17 Referans Kwoze

LUKAS 9:62

Nakanamo Isa ri anjo taua, “Punna appakkaramulamo taua appa'jeko, nampa assaile pole mae ri boko, tena nasiratang a'jari umma'Na Allata'ala.”

PA'JARIANG 19:26

Mingka assailemi bainenna Lot mae anjoreng, sa'genna amminramo a'jari benteng ce'la.

PA'JARIANG 19:22

Akkaro-karo mako lari! Nasaba' tena apa-apa lakugaukang lalang tenanapa nunrapi' mange anjoreng.” Lanri nakanana Lot ca'di anjo kotaya, iaminjo naniaremmo Zoar.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

YEREMIA 48:6

Nakana ke'nanga, ‘Karo-karoko! Pasalamaki nyawanu! Lariko rapang keledai liaraka ri paranga!’

1 KARAENG-KARAENG 19:3

A'jari malla'mi Elia, sa'genna lari sollanna tena nibunoi. A'lampai siagang palayanna mange ri Bersyeba ri Yehuda. Anjoreng naboli'mi anjo palayanna,

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PAMMUJI 121:1

Kelong siara. Accinika' mae ri moncong-monconga, battu kemae labattu pannulungku?

1 SAMUEL 19:11

Anjo memang bangngia nasuromi Saul siapa are tau mange angngodoki Daud ri balla'na siagang ambunoi punna bari'basamo. Mingka nakanamo Mikhal bainenna ri ia, “Punna tena nulari anne bangngia, ammuko bari'basa' tena tanibunonu.”

PA'JARIANG 18:22

Jari nia'mo rua tau battu ri anjo toanaya a'lampa mange ri kota Sodom, mingka Batara ammantang iji siagang Abraham.

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PA'JARIANG 19:18

Mingka appialimi Lot angkana, “Edede, teaki' suroi ikambe lari nai' ri monconga Karaeng.

PA'JARIANG 19:30

Lanri malla'na Lot ammantang ri Zoar, a'lampami nai' ri pa'monconganga siagang anjo ruaya ana' tulolonna, nampa ammantang ke'nanga lalang ri se'reang kali'bong batu.

PAMMILANGNGANG 16:26

Angkanami Musa mae ri tu Israel, “Pakabellai kalennu battu ri anne tau ja'dalaka siagang tea sikaliko seroi barang-baranna ke'nanga. Punna tena nuppilangngeri, lanipanrakiko siagang ke'nanga lanri dosa-dosana ke'nanga.”

1 KARAENG-KARAENG 1:12

Erokki' sollanna salama' Salomo siagang kalenta. Jari kupakaingakki',

LUKAS 12:23

La'bi paralluangangi tallasaka na kanrea, siagang la'bi paralluangangi tubua na care-carea.