PA'JARIANG 18:33 - KITTA' MATANGKASA'

³³ Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

PA'JARIANG 18:33 Referans Kwoze

PA'JARIANG 18:22

Jari nia'mo rua tau battu ri anjo toanaya a'lampa mange ri kota Sodom, mingka Batara ammantang iji siagang Abraham.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

PA'JARIANG 31:55

Ammukona bari'basa', lassibokoinna ke'nanga, nabaumi Laban cucunna, nabarakkaki ke'nanga, nampa ammotere' mange ri tampa' pammantanganna.

PA'JARIANG 18:16

Le'baki anjo a'lampami anjo tallua toana na niantara' ri Abraham. Nabattumo ke'nanga ri se'reang tampa' akkullea nacini' ke'nanga kota Sodom.

PA'JARIANG 3:8

Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

PA'JARIANG 17:22

Le'baki akkana kamma, a'lampami Allata'ala ambokoi Abraham.

PA'JARIANG 35:13

Le'baki anjo Nabokoimi Allata'ala anjo Yakub.

PAMMILANGNGANG 12:9

Teaimi sipato' larroNa Batara mae ri ke'nanga sipa'rua, nampa a'lampa.

PA'JARIANG 32:1

Napannarrusu'mi pa'jappanna Yakub. Nampa nia'mo siapa are malaeka' battu mae ri ia.