PA'JARIANG 18:26 - KITTA' MATANGKASA'

²⁶ Nakanamo Batara, “Ebara' angkana nia' limampulo tau tenaya salana ri kota Sodom, laKupammopporang ngasengi sikontu bonena anjo kotaya, lanri ke'nanga anjo limampuloa tau.”

PA'JARIANG 18:26 Referans Kwoze

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

MATIUS 24:22

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

YESAYA 65:8

Nakana Batara, “Rappo anggoro' niaka ija je'ne'na tena nanipelaki, mingka nipa'jari je'ne' anggoro'. Kamma tomminjo bansaKu, tena nalanipanraki ngaseng, saba' nia' ija ri ke'nanga anynyomba mae ri Nakke.

YESAYA 19:24

Anjo wattua lasangkammai empoanna tu Israel siagang tu Mesir kammayatompa tu Asyur, tallu-talluna anjo bansaya la'jari barakkaki mae ri sikontu linoa.

YESAYA 10:22

Manna pole kamma-kamma anne sangkamma jaina kassika ri tamparang anjo jaina tu Israel, mingka siapa are mami jaina lammotere'. A'reppese'mi hukkunganNa Batara, na memang siratangi siagang adeleki punna nipanraki anjo bansaya.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.