PA'JARIANG 18:22 - KITTA' MATANGKASA'

²² Jari nia'mo rua tau battu ri anjo toanaya a'lampa mange ri kota Sodom, mingka Batara ammantang iji siagang Abraham.

PA'JARIANG 18:22 Referans Kwoze

PA'JARIANG 19:1

Le'ba'na nitoana ri Abraham, a'lampami anjo ruaya malaeka' mange ri kota Sodom. Bangngimi nampa battu ke'nanga mange anjoreng. Sitabangi ammempo Lot ri pakke'bu' lompona kotaya anjo wattua. Nacini'na ke'nanga, ammentemmi Lot mange anruppai ke'nanga. Su'ju'mi Lot ri dallekanna ke'nanga,

LAMPA-LAMPANA 7:55

Mingka anjo Stefanus nikoasaimi ri RohNa Allata'ala, naccongamo nai' ri langika. Nacini'mi kala'biranNa Allata'ala, siagang nia'mi nacini' Isa ammenteng ri tampa' kakoasanNa, iamintu ri sa'ri kananNa Allata'ala.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

1 TIMOTIUS 2:1

Marioloangannaya, kupala' dudui mae ri kau sollanna nupangnganrokang nupassambayangang, nupappala' doangang siagang nupappala' sukkurang mae ri Allata'ala sikontu taua;

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

PA'JARIANG 18:16

Le'baki anjo a'lampami anjo tallua toana na niantara' ri Abraham. Nabattumo ke'nanga ri se'reang tampa' akkullea nacini' ke'nanga kota Sodom.

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.

PA'JARIANG 19:27

Ammukona bari'basa', a'lampami linta' Abraham mae ri tampa' le'baka napammentengi ri dallekanNa Batara ri siallo allaloa.