PA'JARIANG 18:11 - KITTA' MATANGKASA'

¹¹ Na anjo Abraham siagang Sara sanna' sikalimi toana ke'nanga, siagang tenamo nabattu bulanna Sara.

PA'JARIANG 18:11 Referans Kwoze

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.

LUKAS 1:36

U'rangi: anjo bijannu Elisabet tianang annang bulammi, manna natoamo, siagang nakana taua tamanangi.

LUKAS 1:18

Akkuta'nammi Zakharia ri anjo malaekaka nakana, “Antekamma batena nakkulle kupahang angkanaya lakajariang tojengi anjo kipakkanaya? Nasaba' inakke toama', na tu ri ballakku toa tommi.”

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

KAIMANGNGANG 15:19

Punna battu bulanna se'rea baine, ra'masaki sa'genna tuju alloa. Inai-nai anseroi anjo bainea a'jari ra'masaki sa'genna labu alloa.

PA'JARIANG 31:35

Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

PA'JARIANG 17:24

Salapampulo assalapang taung umuru'na Abraham ri wattunna nisunna',

PA'JARIANG 21:7

Nampa nakana pole, “Inai le'ba' angkana ri bura'nengku angkanaya lakkullea' lappasusu ana'? Mingka kamma-kamma anne ammana'ma', manna pole nasanna'mo toana bura'nengku.”

PA'JARIANG 24:1

Sanna' sikalimi toana Abraham, siagang nibarakkakimi ri Batara ilalang ri sikontu-kontua passala'.

PA'JARIANG 24:36

Ri toanamo umuru'na, Sara, bainenna anjo karaengku allassukammi sitau ana' bura'ne, nampa napassareang ngasemmo sikontu pa'barang-baranganna a'jari sossoranna anjo ana'na.

YOSUA 13:1

Kamma-kamma anne toa sikalimi Yosua. Nakanamo Batara ri Yosua, “Toa mako Yosua! Mingka jai iji daera musti nualle: