PA'JARIANG 17:19 - KITTA' MATANGKASA'

¹⁹ Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 17:19 Referans Kwoze

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

LUKAS 1:55

Batara tamakkaluppa ri janjinNa baji' ati ri Abraham na sossorang satungguna.”

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

PA'JARIANG 9:16

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 17:18

Nakanamo ri Allata'ala, “Bajikangngang Ismaelmo a'jari warisi'na turungangku.”

PA'JARIANG 26:2

Nagaukammi anjo kammaya, lanri le'ba'na Napappicinikang KalenNa Batara ri ia naNakana, “Teako a'lampai mange ri Mesir, mingka ammantang mako anrinni ri anne pa'rasanganga, situru' Kuparentakanga ri kau.

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.