PA'JARIANG 17:13 - KITTA' MATANGKASA'

¹³ Sikontu taua musti nisunnaki, siagang iaminjo la'jari pammatei ma'nassana, angkanaya anne parjanjiangKu siagang ikau iamintu parjanjiang sa'genna satunggu-tungguna.

PA'JARIANG 17:13 Referans Kwoze

KALAPPASSANG 12:44

Mingka ata nuballia akkullei amminawang angnganre, punna le'ba'mi nisunna'.

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

PA'JARIANG 37:36

Na lalanna anjo wattua, le'ba'mi nibalukang Yusuf ri tu Midian ri butta Mesir. Nibalukangi mae ri Potifar, kapala pangawala'na karaenga ri balla' karaenga.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

KALAPPASSANG 21:16

Inai-nai a'llukka' tau, musti nihukkung matei, apaka le'ba'mi nabalukang anjo taua yareka nania' ija ri balla'na.

KALAPPASSANG 21:4

Punna nipa'bunting ri pinggawana siagang sitau baine, nampa anggappa ana', anjo bainenna siagang ana'na pinggawana pata, siagang takkulleai amminawang ri anjo ataya punna nilappassangi.

KALAPPASSANG 21:2

Punna ammalliko sitau ata nabansanu tonji, musti napanjamangko annang taung sallona. Ri makatujuna taung, musti nilappassangi anjo taua siagang tena naparallu a'bayara' apa-apa.

PA'JARIANG 39:1

Nierammi Yusuf mange ri Mesir ri tu Ismael. Nampa nibalukang mae ri Potifar, kapala pangawalaka ri balla' karaenga.

PA'JARIANG 37:27

Umba nanibalukangi mae ri anjo tu Ismael. Tea'mi nipa'risi. Manna antekamma, kaia anditta tonji.” Situju ngasemmi sikamma sari'battanna.

PA'JARIANG 14:14

Nalangngere'na Abram angkanaya niallei kamanakanna, napasse'remi sikamma tau niaka ri kemana, iamintu sikamma tu cara'deka a'bundu', nia' 318 jaina tau. Nampa naondang ke'nanga anjo appaka karaeng sa'genna mange ri kota Dan.

PA'JARIANG 9:16

Punna kacinikang tarawea ri rammanga, laKuciniki siagang laKuu'rangi parjanjiangKu satunggu-tunggua mae ri sikontu apa-apa attallasaka ri lino.

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

KAIMANGNGANG 22:11

Mingka punna ata-ata naballia anjo imanga siagang doe' kalenna yareka nilassukangi lalang ri balla'na, akkullei nakanre bageanna anjo imanga.