PA'JARIANG 16:11 - KITTA' MATANGKASA'

¹¹ Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 16:11 Referans Kwoze

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

LUKAS 1:63

Appala'mi Zakharia se're batu pannulisang nampa natulisi' angkana, “Yohanes arenna.” Lannasa' ngasemmi ke'nanga.

AYUB 38:41

Inai ambantui jangang-jangang kalaa' cipuruka anri'baka ri kere-keremae a'boya kanre? Siagang inai todong antulungi punna ammarrang ana'-ana'na mae ri nakke appala' kanre?

KALAPPASSANG 3:9

Kulangngere'mi karru'na bansa Israel, siagang Kucini' tommi antekamma batena nijallakkang ri bansa Mesir.

LUKAS 1:31

Latianangko, siagang lammanakko sitau ana' bura'ne, na musti nuarengi Isa.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

PAMMUJI 22:24

Iami puji, he, sikamma tau mappilangngeria! Iami pakalompo, ikau sikontu turunganna Yakub! Su'jukko ri Ia, ikau sikontu turunganna Israel!

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

PA'JARIANG 21:17

Nalangngere'mi Allata'ala sa'ranna Ismael. Nampa a'bicaramo malaeka'Na Allata'ala battu rate ri langika mae ri Hagar, angkana, “Apa nukasusang Hagar? Teako mallakki. Nalangngere'mi Allata'ala sa'ranna ana'nu.