PA'JARIANG 15:2 - KITTA' MATANGKASA'

^2-3 Mingka nakanamo Abram, “O Batara Kaminang Tinggia, tena naKisarea' ana'. Tau langgappayai barang-barangku poro Eliezer bawang, iamintu atangku battua ri Damsyik. Jari apa matu-matunna anjo pahalaya mae ri nakke?”

PA'JARIANG 15:2 Referans Kwoze

LAMPA-LAMPANA 7:5

Anjo wattua, manna sike'de' tania' anne pa'rasanganga Napassareanga Allata'ala mae ri Abraham a'jari pa'rasanganna; manna sipala' bangkeng tania' nipassareang mae ri ia. Mingka a'janji Allata'ala angkanaya laNapassareangi mae ri Abraham siagang sossoranna anne pa'rasanganga, a'jari pa'rasanganna. Anjo wattua tena ana'na Abraham.

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

YESAYA 56:5

laniu'rangimi arennu lalang ri BallakKu siagang ri alla'na bansaKu. Anjo bajikangngangi nanikanaya nia' ana'-ana' bura'ne siagang baine. Kusareko areng mannannungang tenaya nalanikaluppai.”

PANGNGEBARANG 17:2

Ata cara'deka lakoasai mae ri ana' appakasirika; na lannarima warisi' siagang sikamma sari'battanna anjo anaka.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

PA'JARIANG 44:1

Ilalanna anjo wattua naparentakammi Yusuf ri kapala palayanna ri balla', nakana, “Bonei ngasemmi karunna anjo taua, sipakkullena naerang ke'nanga. Nampa nupantama' massing doe'na ri massing karunna, ri tompo'na gandunga.

PA'JARIANG 43:19

Lanri kammana, ri wattunna nia' ke'nanga ri ampi' pakke'bu' balla'na Yusuf, akkuta'nammi ke'nanga ri kapala ruma tanggaya,

PA'JARIANG 24:10

Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

PANGNGEBARANG 13:12

Punna tanigappaya apa niminasaya, ta'ronangi nyawaya; punna nigappa apa nikaerokia, sunggui pa'maika.

PA'JARIANG 39:9

Anrinni sangkammai koasaku siagang koasana Potifar. Tena manna sirupa tanapappirannuangang ri nakke pantaranganna ikatte Ibu'. Antekamma lakkulle kugaukang anjo panggaukang ja'dala' kammaya siagang ladoraka ri Allata'ala?”

PA'JARIANG 24:2

Ri se'reang allo nakanamo Abraham ri surona kaminang toaya, ia angngurusukai sikontu pa'barang-baranganna, “Padongkoki limannu ri alla'na bonggangku.

PA'JARIANG 14:15

Anjoreng nabagei taunna Abram a'jari siapa are pa'rappungang, nampa nabunduki anjo musua ri wattunna bangngi. Na nabetamo ke'nanga anjo musua. Naondammi ke'nanga anjo musua sa'genna mange ri Hoba, ri warakkanna kota Damsyik.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

YESAYA 17:1

Nakana Batara, “Tenamo nala'jari kota anjo Damsyik, mingka la'jari pannambungang loro mami.

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

RUT 2:6

Appialimi anjo mandoroka angkana, “Baine bansa Moab beru battua siagang Naomi battu ri pa'rasangang Moab.