PA'JARIANG 15:14 - KITTA' MATANGKASA'

¹⁴ Mingka anjo bansa ampa'jari atayai turungannu laKuhukkungi. Siagang punna nabokoi turungannu anjo pa'rasanganga, langngerangi ke'nanga jai barang-barang.

PA'JARIANG 15:14 Referans Kwoze

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.

PAMMUJI 135:14

saba' iKatte ampassareangi kaadelanga mae ri ummatTa, siagang angkamaseangi ata-atanTa.

YOSUA 24:17

Karaeng Allata'alata le'ba' allappassangi boe-boeta siagang pole kalenta battu ri nipare' ataya ri Mesir. Le'ba'mi nicini' sikamma gau' malompo Nagaukanga Batara. Tuli Nala'langngiki' Batara lalang sikontu pa'jappanta allaloi sikamma pa'rasangang tu maraenga.

PAOLE 6:22

Kalenna ikambe anciniki sikamma gau' appakalannasa' Nagaukanga Batara siagang sikamma apa-apa appakamalla' Nagaukanga mae ri tu Mesir siagang ri karaenna ke'nanga, kammayatompa sikontu pagawena.

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

PAMMUJI 135:9

Anjoreng Nagaukangi jai gau' appakalannasa' siagang tanra untu' anghukkungi karaenga siagang sikontu pagawena.

PAMMUJI 51:4

Kibissai sikontu kaja'dallangku; Kitangkasia' battu ri dosaku.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

PAMMUJI 105:42

Saba' Nau'rangi Batara janjinNa mae ri Abraham, atanNa.

PA'JARIANG 48:21

Nampa nakanamo Yakub mae ri Yusuf, “Sangkamma nucinika, a'birimmi a'jalakku. Mingka laNatulung ngasengko Allata'ala siagang laNaerang ngasengko ammotere' mange ri pa'rasanganna boe-boenu.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

LAMPA-LAMPANA 7:7

Mingka laKuhukkungi anjo bansa ampa'jari atayai ke'nanga, nampa assulu' ke'nanga battu anjoreng ri pa'rasanganga. Nampa lanynyombai ke'nanga mae ri Nakke anrinni ri tampaka.’