PA'JARIANG 13:9 - KITTA' MATANGKASA'

⁹ Jari bajikangngangi punna assisa'lakki'. Pileimi bageang kereanga anne tampaka nungai. Punna a'lampa mangeko anjoreng, inakke a'lampa mangea' ri maraengannaya.”

PA'JARIANG 13:9 Referans Kwoze

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

PA'JARIANG 34:10

Jari akkulle ngaseng mako ammantang siagang ikambe anrinni ri pa'rasanganga, ri tampa' nungaia. Akkulle mako bebasa' a'danggang siagang ammallaki pa'barang-barangngang.”

PA'JARIANG 20:15

Nakanamo anjo karaenga ri Abraham, “Iaminne sikontu pa'rasangangku; ammantammako ri keremae tampa' nungaia.”

1 KORINTUS 6:7

Teako angkana mangea bawang akkara-kara ri dallekanna tu tenaya na Karisteng nanusala; ba'lalo nampa mako assisala-sala para ikau nanunibeta lompomo. La'bi bajikangangi punna tanugappaya kaadelanga yareka nipakarugiko naia appakammaya anjo!

ROMA 12:18

Usahakangi sollannu akkulle assiama' ngaseng siagang taua lalang tallasa'nu.

PAMMUJI 120:7

Punna kubicara passala'na passiamakkanga, pa'bundukang nakaeroki ke'nanga.

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

YEREMIA 40:4

Kamma-kamma anne kulappassangi anne passikkoka battu ri limannu siagang kupakabebasakko. Punna erokko, akkulleko amminawang mange ri Babel, siagang lakuparakaiko. Mingka punna teako, tena todong nangngapa-apa. Ri sikontu anne pa'rasanganga laluasako a'lampa manna kemae nukaerokia.”