PA'JARIANG 13:10 - KITTA' MATANGKASA'

¹⁰ Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PA'JARIANG 13:10 Referans Kwoze

PAOLE 34:3

bageang timboranna Yehuda siagang lappara' ta'bantanga battu ri Zoar sa'genna Yerikho, kota rassia siagang poko' korma.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

PA'JARIANG 14:8

Nampa karaeng-karaeng battua ri Sodom, Gomora, Adma, Zeboim siagang Bela, naatoro'mi barisang tantarana ke'nanga ri Lappara'na Sidim untu' a'bundu'

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

PA'JARIANG 14:2

A'bunduki anne ke'nanga siagang lima karaeng maraeng, iamintu: Bera battu ri Sodom, Birsya battu ri Gomora, Syinab battu ri Adma, Semeber battu ri Zeboim, siagang Karaeng Bela ia niarenga todong Zoar.

YEHEZKIEL 28:13

Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

1 KARAENG-KARAENG 7:46

Yangasenna anjo barang-baranga nasuro pareki karaenga anjoreng ri tampa' papparekanna ri Lappara' Yordan, niaka ri alla'na Sukot siagang Sartan.

YEHEZKIEL 31:8

Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.

YEREMIA 48:34

Tu Hesybon siagang tu Eleale angngarruki, nakalangngerang karru'na sa'genna mange ri Yahas, siagang kalangngerang tongi mae ri tau battua ri Zoar sa'genna mange ri Horonaim siagang Eglat-Selisia. Angngarruki ke'nanga lanri manna je'neka ri pangkana Binanga Nimrim kalotoro' ngasemmi.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

PA'JARIANG 11:27

Iaminne sossoranna Terah: Terah iami manggena Abram, Nahor, siagang Haran. Haran nia' ana'na bura'ne, niareng Lot.

PA'JARIANG 13:9

Jari bajikangngangi punna assisa'lakki'. Pileimi bageang kereanga anne tampaka nungai. Punna a'lampa mangeko anjoreng, inakke a'lampa mangea' ri maraengannaya.”

PA'JARIANG 13:11

Kale'bakkanna iaminjo sikontu Lappara'na Yordan napilei Lot. Jari a'lampami mange ri bageang iraya. Kammaminjo nasisa'la'mo anjo tau ruaya.

PA'JARIANG 47:6

Pasangkammami anne pa'rasangang Mesir sangkamma pa'rasangang kalennu. Lappassammi ammantang ke'nanga ri Daera Gosyen, iamintu daera kaminang bajika anrinni ri pa'rasanganga. Siagang saremi tugasa' tau cara'deka anjama untu' angngurusuki olo'-olo' piaraku.”

AYUB 40:23

Tena sikali malla'na manna nasanna' sarrinna lo'loro'na Binanga Yordan, tuli sannanna manna pole nituju rupanna ri je'ne'.

YEHEZKIEL 16:46

Daennu iamintu Samaria ri bageang wara' siagang sikontu desana. Siagang andi'nu iamintu kota Sodom ri bageang timboro' siagang sikontu desana.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

YEHEZKIEL 31:9

INakkemi ampa'jari ga'gai siagang tangke-tangke la'bu na coppong. Sikontu poko' kayua ri kokonNa Allata'ala assereati ngaseng mae ri ia.

YEHEZKIEL 47:18

Pa'baeng-baeng rayaiya a'lampa timboro', battu ri se'reang tampa' ri alla'na daera Damsyik siagang daera Hauran. Jari Binanga Yordan a'jari pa'baeng-baeng iamintu butta Israel biring ilau' siagang Gilead biring iraya, sa'genna mange ri Tamar ri biring tamparanna Tamparang Matea.