PA'JARIANG 12:2 - KITTA' MATANGKASA'

² LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 12:2 Referans Kwoze

2 SAMUEL 7:9

Le'ba' mako Kururungang manna pole kemae lampanu, siagang sikontu musunnu le'ba'mi Kutumpasa' ri wattunnu a'bundu'. LaKupa'jariko masahoro' sangkamma pamimping-pamimping kaminang lompoa ri lino.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

PA'JARIANG 18:18

Sai turunganna la'jari bansa lompoi siagang lakoasai? Sai lanri ia nalaKubarakkaki sikontu bansaya ri lino?

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 46:3

Nakanamo Allata'ala, “INakkemi Allata'ala, Allata'alana manggenu. Teako mallakki untu' a'lampa mange ri Mesir. LaKupa'jari turungannu se're bansa lompo anjoreng.

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

GALATIA 3:7

Jari parallui nuasseng baji' angkanaya, inai-nai tappa' mae ri Allata'ala, iami ma'nassa sossoranna Abraham.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

PAMMILANGNGANG 14:12

LaKuancuruki ke'nanga; lappabattuA' garring a'lette'-letteka ri tangnga-tangngana ke'nanga. Mingka ikau laKupa'jariko mangge ri se'rea bansa lompoanganga siagang kassakanganga na anjo ke'nanga!”

1 KARAENG-KARAENG 1:47

Ba'lalo sikamma perwira tantarana karaenga a'lampa ngasemmi mange ampasalamaki Karaeng Daud. Nakana ke'nanga, ‘Tapporo Allata'alana karaeng ampa'jari Salomo la'bi masahoro' na ikatte; tapporo poreangngangi pamarentahanna Salomo na pamarentahanta.’ Nampa ri katinroanna su'ju'mi Karaeng Daud anynyomba ri Allata'ala,

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PA'JARIANG 24:1

Sanna' sikalimi toana Abraham, siagang nibarakkakimi ri Batara ilalang ri sikontu-kontua passala'.

PA'JARIANG 25:11

Ri wattu matenamo Abraham, Nabarakkakimi Allata'ala anjo Ishak, ana'na Abraham. Anjo wattua ammantangi Ishak ri ampi'na bungung niarenga “Iami Amparhatikanga'”.

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAMMILANGNGANG 23:20

Nisuroa' assare barakka'; siagang punna Allata'ala assare barakka', takkulleai kubeso' ammotere'.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

YEHEZKIEL 34:26

LaKubarakkaki ke'nanga siagang Kupa'biangi ammantang ke'nanga ri tammulilina bulu' matangkasakKu. LaKusarei ke'nanga bosi punna parallui.

ZAKHARIA 8:13

He pandudu' Yehuda siagang Israel! Ri jammang allaloa, punna situnra-tunrai bansa maraenga, nakana ke'nanga, ‘Poro battu lalo bala sangkammaya antujui Yehuda siagang Israel antuju tongko!’ Mingka laKupasalama' ngasengko, sa'genna anjo bansa-bansa maraenga lanakana massing ri para ia ke'nanga, ‘Poro anjo barakka' turunga ri Yehuda siagang Israel, turung tongi mae ri kalennu!’ Lanri kammana pakajarreki pa'mai'nu siagang teako mallakki!”

PA'JARIANG 17:20

Mingka laKuturukiangko pappala'nu ri sesena Ismael. Lanri kammana nalaKubarakkaki Ishak siagang laKusarei turungang majai. Iami la'jari boe-boena sampuloa anrua kapala suku, siagang laKupa'jari turunganna se'reang bansa lompo.

AYUB 35:8

Parannuji bawang tau nipakarugi ri dosa-dosanu. Iatommi upa' lanri kabajikannu.

YESAYA 51:2

U'rangi boe-boenu Abraham siagang Sara; wattunna Kukio' Abraham natena ana'na; nampa Kubarakkaki siagang Kusarei turungang jai.