PA'JARIANG 12:10 - KITTA' MATANGKASA'

¹⁰ Mingka anjo wattua naallei kacipurang lompo taua ri butta Kanaan. Sa'genna pila' bellami jappana Abram a'lampa timboro', mange ri butta Mesir, nampa ammantang anjoreng sa'genna allalo anjo bala kacipurang lompoa.

PA'JARIANG 12:10 Referans Kwoze

PA'JARIANG 43:1

Pila' sarrimmi kacipuranga ri Kanaan.

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

LAMPA-LAMPANA 7:11

Nampa nia' se're wattu nanaalle kacipurang lompo tuma'buttaya ri sikontu pa'rasangang Mesir siagang pa'rasangang Kanaan, sa'genna sanna' ngaseng pa'risi'na katallassanna taua. Takkulleami anggappa apa-apa lanakanre boe-boeta.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

YEREMIA 14:1

Akkana kammai anne Batara ri passala'na wattu timoro' karri dudua.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

PAMMUJI 105:13

A'labaki' ke'nanga battu ri pa'rasangang se'rea mae ri pa'rasangang maraeng.

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

2 KARAENG-KARAENG 6:25

sa'genna naallemo cipuru' lompo tau lalanga ri anjo kotaya; manna se're ulu keledai niballimi 80 doe' pera', siagang ruaya ons tai bodobangkeng niballimi lima doe' pera'.

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

RUT 1:1

Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

PA'JARIANG 47:13

Anjo kacipuranga sanna'mi sarrinna, sa'genna tenamo lanikanrea ri kere-keremae. Ra'yaka ri Mesir siagang ri Kanaan dodong ngasemmi siagang tanakulleami napakamma cipuru'.

PA'JARIANG 42:5

Lanri naallei kacipurang pa'rasangang Kanaan, a'lampami ana'-ana'na Yakub siagang tau maraenga mange ri Mesir untu' ammalli gandung.

PA'JARIANG 41:57

Nia'mi taua battu ri sikontu linoa mange ri Mesir untu' ammalli gandung battu ri Yusuf, lanri anjo kacipuranga pila' sarrimmi kajarianna ri kere-keremae.

PA'JARIANG 41:56

Ri wattunna pila' a'jari sarrimmo anjo kacipuranga, siagang alla'bammi mae ri sikontu pa'rasanganga, nasungkemi Yusuf sikamma gudanga nampa nabalukang anjo gandunga mae ri tu Mesir.