PA'JARIANG 11:7 - KITTA' MATANGKASA'

⁷ Bajikangngang naungki' nanipasisala-sala bahasana ke'nanga sollanna takkullea sipahang ke'nanga.”

PA'JARIANG 11:7 Referans Kwoze

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

PAMMUJI 55:9

Lapparurua' a'boya tampa' pa'la'langngang battu ri anging puttusuka siagang anging lompoa.

PA'JARIANG 1:26

Nampa Nakana Allata'ala, “Kamma-kamma anne lapparekKi' tau lasanrapanga iKatte siagang lasantanjaka iKatte. Lakoasai ke'nanga mae ri sikamma juku'-jukuka, jangang-janganga, siagang sikontu olo'-olo' maraengannaya, kammaya olo'-olo' annabaya siagang liaraka, kammaya lompoa siagang ca'dia.”

1 KORINTUS 14:23

Lanri kammana, ebara' angkana a'rappungang jama'aka, nampa a'bicara appakalannasa' ngaseng sikontu jama'aka, nania' hadere' siapa are tu battu pantarang, yareka tu tenaya na Karisteng, tantu lanakanamo anjo taua angkanaya pongoro' ngasengko.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

PAMMUJI 2:4

A'mele'mi Batara ri empoang kala'biranNa ri suruga nacau-cau rancanana ke'nanga.

AYUB 12:20

Natongkoki bawana tau cara'deka a'bicara, Nabi'buki kacara'dekanna sikamma tau toaya.

PAOLE 28:49

Nia' se'reang bansa tenaya nuassengi bicaranna laNapabattu Batara battu ri cappa'na buttaya anne untu' angngewako. Rapang jangang-jangang rajawali labattui antamberoko.

YESAYA 6:8

Nampa nia' kulangngere' sa'ranNa Batara angkana, “Inai laKusuro? Inai lampabattui kabaratta?” Appialima' angkana, “Anne niakka'. Kisuroma'!”

PA'JARIANG 42:23

Napahangi Yusuf anjo bicaranna ke'nanga. Mingka tanaassengai ke'nanga angkana napahangi Yusuf anjo bicaranna ke'nanga, lanri ammakei Yusuf tau untu' ampalembai bicaranna.

PA'JARIANG 11:5

Nanaummo Batara untu' anciniki anjo kotaya siagang menara nabangunga rupataua.

PA'JARIANG 10:20

Ia ngasemmi anjo sossoranna Ham. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

PA'JARIANG 3:22

Nakanamo Karaeng Allata'ala, “Kamma-kamma anne a'jarimi rupataua sangkamma iKatte siagang naassemmi ke'nanga passala' nikanaya baji' siagang kodi. Jari parallui nijagai sollanna tena nakanrei rapponna anjo poko' kayu assarea katallassang, sollanna tena nakkulle attallasa' sa'genna satunggu-tungguna.”

PA'JARIANG 10:32

Ia ngasemmi anjo sossoranna Nuh, massing-massing bansa, situru' massing garisi' sossoranna ke'nanga. Iaminne ke'nanga nakabattui sikontu bansa-bansaya ri anne linoa, baku' le'ba'na kajariang a'ba lompoa.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

KALAPPASSANG 4:11

Nakanamo Batara mae ri ia, “Inaika assarei bawa rupataua? Inai ampa'jari pepei siagang ampa'jari tongoloki? Inai assarei paccini' siagang ampa'jari butai? Teaika iNakke, Bataraya?

YESAYA 33:19

Tenamo nulaccini' bansa maraeng tenaya nangngasseng atorang, a'bicaraya lalang bicara tena nupahangi.