PA'JARIANG 11:4 - KITTA' MATANGKASA'

⁴ Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

PA'JARIANG 11:4 Referans Kwoze

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

LUKAS 1:51

Lima makoasaNa mappasimbung tau borro, na mangngaco ri ero' sala.

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

2 SAMUEL 8:13

A'jari pila' katambammi masahoro'na arenna Daud ri wattunna ammotere' siagang le'ba'na nabuno tu Edom 18.000 jaina ri Ka'bung Asin.

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

DANIEL 4:22

O karaengku, karaengkumi nataba pangngebarranna anjo poko' kayu tinggia siagang kassaka. Katambangi kalompoanna karaengku sa'genna narapi' rapang coppo'na langika, siagang kakoasanta a'la'baki sa'genna cappa'na buttaya.

PAMMUJI 92:9

saba' iKatte, o Batara, koasaKi' satunggu-tungguna.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

PAMMUJI 107:26

Taangkaki tinggi-tinggi nai' sikamma kappalaka, nampa napatappasa' naung ri dasara'na tamparang lompoa. Tappela' ngasemmi kabaranianna taua andallekangi bahaya lompo kammaya.

YEREMIA 51:53

Manna pole nakkulle Babel nai' ri langika siagang ambangung pattahangngang takkullea nirapi', mingka tuli laKupabattuna taua untu' ampanraki. INakke, Batara, anne akkana.”

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”