PA'JARIANG 11:3 - KITTA' MATANGKASA'

³ Massing angkanami para ia ke'nanga, nakana, “Umba kippare' batu bata nampa nitunu sa'genna a'jari terasa'.” Kammaminjo nania'mo batu batana ke'nanga untu' ambangung balla' siagang tere' untu' ampasidakkiki anjo batu bataya.

PA'JARIANG 11:3 Referans Kwoze

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

KALAPPASSANG 2:3

Mingka takkulleai sallo dudu nacokko anjo anaka. Jari angngallemi amma'na se're karanjeng nampa nalapisi' siagang tere' sollanna tantamaya je'neka. Le'baki anjo napantama'mi anjo ana' loloa ri anjo karanjenga, nampa naerang mange ri Binanga Nil, nampa naboli' ri tangnga-tangngana ruku' tinggia ri birinna anjo binangaya.

KALAPPASSANG 1:14

siagang nasusaimi katallassanna anjo tu Israelka. Tena sikalimo pangngamaseanna anjo tu Mesir ampassai tu Israel anjama terasa' ri sikamma usaha bangunanga siagang panjama-jamang ri sikamma kokoa.

YAKOBUS 5:1

Sikamma sari'battangku, akkalumanynyanga! Pilangngeri anne pappakaingakku. Paralluko angngarru' siagang appiraung lanri lanukasia'na kasessanga!

IBRANI 10:24

Siagang paralluki' massing sijampangi; sollanta akkulle sipakainga' tojeng-tojeng anggaukangi apa-apa bajika, kammayatompa mangngamaseanga ri paranta tau.

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

YESAYA 9:10

Napagio'mi Batara musunna ke'nanga untu' angngewai ke'nanga.

2 SAMUEL 12:31

Pantaranganna anjo nierammi pandudu'na, siagang nisuroi angngerang garagaji, bingkung bassi, pangkulu' bassi, nampa nipajama ke'nanga ri tampa' papparekang batu bataya. Kamma tomminjo nagaukang mae ri pandudu'na kota-kota Amon maraengannaya. Le'baki anjo ammotere'mi Daud siagang sikontu tantarana mange ri Yerusalem.

YAKOBUS 4:13

Sikamma sari'battangku; ikau angkanaya, “Anne alloa yareka ammuko, erokka' a'lampa mange ri kota anu nakuammantang anjoreng sitaung untu' a'danggang siagang a'boya doe',” pilangngeri anne pappakaingakku.

NAHUM 3:14

Anynye'ro' mako je'ne' untu' nupasadia lalang siapa sallonu nikurung, siagang pakkassakammi sikamma tembo'-tembo' pattahangannu! Onjo'-onjokammi peoka untu' appare' batu eja, siagang pasadiami sikamma kataranna!

YESAYA 65:3

Tulusu' napakanassuKu ke'nanga lanri assarena koro'bang ri koko-kokoa mae ri rewata-rewataya siagang attunui kamanynyang ri tampa'-tampa' pakkoro'bangnganna ke'nanga.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

KATO'BA 2:1

Kutantuammi ero' ampakasannang mami kalengku, sollanna kuasseng nikanaya kate'neang. Mingka ma'nassa sia-sia tonji anjo kammaya.

PANGNGEBARANG 1:11

Ebara' nakana ke'nanga, “Umba, ki'lampa mange a'boya tau nampa niborongi. Sollanna nia' nigaukang, umba naniba'ji tau tenaya salana.

PAMMUJI 64:5

Battu ri paccokkoanna ke'nanga appasiara' carita balle-balle, tena malla'na ke'nanga ampitinai tau tenaya nasala.

PA'JARIANG 11:7

Bajikangngang naungki' nanipasisala-sala bahasana ke'nanga sollanna takkullea sipahang ke'nanga.”

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”