PA'JARIANG 10:7 - KITTA' MATANGKASA'

⁷ Sossoranna Kus iami a'jari pandudu' ri Seba, Hawila, Sabta, Raema, siagang Sabtekha. Sossoranna Raema iami a'jari pandudu' ri Syeba siagang Dedan.

PA'JARIANG 10:7 Referans Kwoze

YEHEZKIEL 27:22

Untu' amballi barang-barannu sikamma padanggang battua ri Syeba siagang Raema angngerangi paramata-paramata, bulaeng, siagang rampa-rampa kaminang bajika.

YEHEZKIEL 27:15

Pandudu'na Rodus a'danggang tongi siagang ikau kammayatompa pandudu'na daera biring tamparanga naballi barang-barannu siagang gading siagang kayu le'leng.

YESAYA 21:13

Iaminne pappasang ri passala'na Arab: He, tu Dedan, akkemai sikamma kapilanu ri rompo'-rompo'na butta Arab.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

PA'JARIANG 2:11

Makase'rea niarengi Pison; iaminne binangaya a'lo'loro' ri tammulilina butta Hawila.

PA'JARIANG 10:8

Kus nia' ana'na bura'ne niarenga Nimrod, ia uru a'jaria tu pore siagang barani ri lino.

1 PATTOTTORANG 1:9

Ia turungang battua ri Kus iamintu: tu Seba, Hawila, Sabta, Raema siagang Sabtekha. Turungang battua ri Raema iamintu tu Syeba siagang Dedan. (

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YEHEZKIEL 27:20

Pandudu' Dedan nabayaraki barang-barannu siagang kaeng-kaeng pa'lapa' dongkokang.