PA'JARIANG 10:6 - KITTA' MATANGKASA'

⁶ Sikamma ana'na Ham iamintu: Kus, Mesir, Libia, siagang Kanaan.

PA'JARIANG 10:6 Referans Kwoze

YEHEZKIEL 27:10

Tantara-tantara battu ri Persia, Lidia siagang Libia antamaki ri tantaranu. Nagentungi ke'nanga pannangkisi'na siagang topi bajana ri tembo'-tembo' kotanu. Le'ba' mako nabantu ke'nanga ambetai musu-musunnu siagang pila' katambangi masahoro'nu.

YEREMIA 46:9

A'lumbako, he jarang! A'giokko, he kareta! Majuko, he tubarani angngeranga pannahang, battua ri Sudan siagang Libia. Kamma todong ikau, he sikamma tucara'deka ammake sanjata pana, battua ri pa'rasangang Lidia.’ ”

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

PAMMUJI 106:22

Tamaka lompona apa-apa le'baka Nagaukang ri anjo pa'rasanganga, appakalannasaki tindakanna ri Tamparang Alara'.

PAMMUJI 105:27

Ri Mesir Nagaukangi ke'nanga gau' appakalannasaka, gau'-gau' malompo battua ri Batara,

PAMMUJI 105:23

Nampa a'lampamo Yakub mange ri Mesir nammantang tuli anjoreng salaku tubattu-battu.

PAMMUJI 78:51

Nabunoi sikontu ana' toa bura'nena ke'nanga lalang ri massing kaluargana tu Mesir.

PA'JARIANG 9:22

Ri wattunna Ham, iamintu manggena Kanaan, naciniki manggena assolara', assulukammi nampa napauang anjo ruaya sari'battanna.

PA'JARIANG 9:18

Ana'-ana'na Nuh ia naaganga assulu' battu ri kappalaka iamintu: Sem, Yafet siagang Ham. (Ham iami manggena Kanaan.)

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.

YEHEZKIEL 38:5

Nirurungangi karaenga ri tantara-tantara Persia, Sudan siagang Libia, massing angngeranga pa'dang siagang topi baja.

PA'JARIANG 2:13

Binanga makaruaya niarengi Gihon; a'lo'loroki je'ne'na ri tammulilina butta Kus.

PA'JARIANG 5:32

Ri wattunna narapi' 500 taung umuru'na Nuh, anggappai tallu ana' bura'ne, iamintu Sem, Yafet siagang Ham.