PA'JARIANG 1:29 - KITTA' MATANGKASA'

²⁹ Kusareangko sikontu poko'-poko' kayu a'lisereka rapponna siagang rappo-rappoang maraenganga untu' a'jari kanrenu.

PA'JARIANG 1:29 Referans Kwoze

PA'JARIANG 9:3

Yangasenna anjo akkullei a'jari kanrenu, sangkammaya tompa lamung-lamung moncongbuloa; yangasenna anjo Kupassareangi ri kau untu' a'jari kanrenu.

PAMMUJI 24:1

Pammujina Daud. Batara pata sikontu linoa siagang bonena, linoa siagang sikontu ammantanga ilalang.

LAMPA-LAMPANA 17:28

Kamma biasaya napau taua angkana, ‘Akkulleki' nia', attallasa', siagang a'gio' ri anne linoa lanri kakoasanNa Allata'ala.’ Sangkamma tonji siagang apa napaua tu cara'de'nu, angkanaya, ‘Ikatte ngaseng, ana'-ana'Naki' Allata'ala.’

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

PAMMUJI 147:9

Nasarei kanre olo'-oloka, siagang ana' jangang-jangang akkio'-kioka.

PAMMUJI 136:25

Sikontu apa-apa attallasaka Nasarei kanre; pangngamaseanNa sa'genna satunggu-tungguna.

MATIUS 6:11

Kisarei ikambe anne alloa apa naparalluanga ikambe.

AYUB 36:31

Kammaminjo bateNa antallassi bansa-bansaya na Nasare kanre alla'bi-la'bi.

PA'JARIANG 2:16

Nakanamo Batara mae ri anjo taua, “Akkullei nukanre sikontu rapponna anjo poko'-poko' niaka ri anne kokoa,

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

YESAYA 33:16

Na lanijagai mako siagang laamang mako, rapang niakko lalang ri tembo' pattahangngang kassaka. Sadiai kanrea siagang inunganga untu' ikau.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.

PA'JARIANG 6:21

Angngerang tongko sangka' rupa kanre untu' lanakanrea anjo olo'-oloka.”