PA'JARIANG 1:25 - KITTA' MATANGKASA'

²⁵ Kammaminjo Napare'na Allata'ala sikontu anjo apa-apa niaka siagang sannammi nyawaNa ancini' ngasengi anjo passalaka.

PA'JARIANG 1:25 Referans Kwoze

YEREMIA 27:5

“Lanri koasa malompoKu siagang lanri kagassingangKu nale'ba' Kupa'jari linoa siagang rupataua kammayatompa sikontu olo'-oloka, nampa akkulle Kupassareang mae ri inai-nai mamo Kukaerokia.

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

1 TIMOTIUS 4:5

Nasaba' nipa'jari hallala'mi anjo apa nikanrea lanri pappala' doangang siagang barakka'Na Allata'ala.

PA'JARIANG 7:21

Naancuru' ngasemmi Batara sikontu apa attallasaka ri lino, iamintu: rupataua, jangang-jangang siagang olo'-olo' niaka ri tompo'na buttaya, ia ca'dia siagang lompoa. Ia tenaya naancuru' iamintu Nuh bawang siagang sikontu niaka naagang lalang ri anjo kappalaka.

AYUB 12:7

Akkuta'nangko mae ri jangang-jangang siagang olo'-olo' maraengannaya na nasareko ke'nanga pangngajarang.

AYUB 41:12

Maeko Nakucaritakangko ri passala'na pakkaleanna Lewiatan, ri passala' kagassinganna siagang antekamma ga'gana.