PA'JARIANG 1:21 - KITTA' MATANGKASA'

²¹ Na Napa'jarimo Allata'ala olo'-olo' lompoa lalang ri tamparanga siagang sikamma apa-apa attallasaka ilalang je'ne', kammayatompa sangka' rupaya jangang-jangang. Nasannammo nyawaNa Allata'ala anciniki anjo passalaka.

PA'JARIANG 1:21 Referans Kwoze

PA'JARIANG 1:25

Kammaminjo Napare'na Allata'ala sikontu anjo apa-apa niaka siagang sannammi nyawaNa ancini' ngasengi anjo passalaka.

PA'JARIANG 8:19

Sikontu jangang-janganga siagang olo'-olo' niaka ri tompo'na buttaya assulu' ngaseng tommi, massing siagang sinrupanna ke'nanga.

PA'JARIANG 8:17

Erang ngasengi assulu' sikontu jangang-janganga siagang olo'-olo' maraengannaya, lompoa siagang ca'dia, sollanna akkulle a'bija-bija siagang a'la'bang ri sikontu linoa.”

KALAPPASSANG 8:3

Anne Binanga Nil larassi siagang tumpang, sa'genna lassulu' anjo olo'-olo' kammaya battu lalang ri je'neka nampa antama' ri balla' kakaraengannu, antama' ri kamara' katinroannu siagang sikamma kamara' katinroanga, antama' ri sikamma balla'na sikamma pagawea siagang balla'na ra'yaka, ba'lalo antama' ri pattunuang rotia siagang panci-pancia.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

PA'JARIANG 9:7

Jari, ikau musti ammana'-manakko siagang accucu-cucuko nu'jari jai, sollanna akkulle sossorannu napammantangngi sikontu linoa.”

PA'JARIANG 7:14

Sikontua rupanna jangang-janganga siagang olo'-olo' maraengannaya, ia annabaya siagang liaraka, lompoa siagang ca'dia, antama' tommi siagang ke'nanga.

AYUB 26:5

Appialimi Bildad angkana, “Annekkereki sikamma tau niaka lalang ri linona tau matea; je'neka siagang bonena ta'ge'gosoki.

AYUB 7:12

Angngapa na inakke anne tuli Kijannangngi siagang Kijagai? Apaka inakke anne Kikana' naga tamparang angngeranga bahaya?

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PA'JARIANG 1:18

untu' koasa ri singaraka siagang ri bangngia, siagang untu' ansa'laki singaraka battu ri sassanga. Na sannammo nyawaNa Allata'ala anciniki anjo passalaka.

MATIUS 12:40

Tallungalloi le'ba' ammantang Na'bi Yunus lalang ri battanna juku' lompoa. Kamma tomminjo sallang Ana' Ma'rupataua, latallungalloi ammantang lalang ri battanna buttaya.

YUNUS 1:17

Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

YEHEZKIEL 32:2

“He tau, terassi pakainga' karaeng Mesir. Pabattui anne pasangKu ri ia angkana, ‘Ikau appanggaukang kammako singa rungka ri alla'na bansa-bansaya, mingka la'bi sangkammako buaya a'langea lalang ri je'neka. Bangkennu napakapuccaki siagang nara'massi sikontu binangaya.

YUNUS 2:10

Nampa lanri parentaNa Batara, anjo jukaka nalangngeammi Yunus nai' ri bontoa.

PA'JARIANG 1:20

Nampa Nakana Allata'ala, “Kuerokangi nia' apa-apa attallasa' a'lange-lange lalang ri je'neka, siagang jai jangang-jangang anri'ba' rate ri allaka.”

PA'JARIANG 1:22

Yangasenna anjo sikammaya Nabarakkakimi Allata'ala. Siagang Nasaremi parenta sikamma olo'-olo' attallasaka lalang je'ne' sollanna a'bija-bija siagang napirassi tamparanga, kammayatompa jangang-janganga sollanna pila' katambang.

PA'JARIANG 9:2

Sikontu jangang-janganga siagang jukuka kammayatompa olo'-olo' maraengannaya lamalla' ngasengi ri kau. Yangasenna anjo ke'nanga nia' ngasengi lalang kakoasannu.

PAMMUJI 148:7

Pujimi Batara, he sikontu bonena lino, he, naga-naga tamparang siagang sikontu tamparang lompoa;

PA'JARIANG 2:19

Angngalle tommi sike'de' butta nampa Napare' sangka' rupa olo'-olo' niaka ri bontoa siagang niaka ri alla'. Na Naerang ngasemmo Allata'ala anjo sikammaya mae ri anjo taua sollanna nacini' angkanaya areng apa lanasareangi anjo sikamma olo'-oloka. Iaminjo assala'na olo'-olo' niaka ri tompo'na buttaya siagang olo'-olo' niaka ri alla', namassing nisare areng.

AYUB 12:7

Akkuta'nangko mae ri jangang-jangang siagang olo'-olo' maraengannaya na nasareko ke'nanga pangngajarang.