PA'JARIANG 1:14 - KITTA' MATANGKASA'

^14-15 Nampa Nakana Allata'ala, “Kuerokangi nia' apa-apa singara' ri langika untu' ansingari buttaya, untu' ampasisa'laki singaraka siagang bangngia, siagang untu' ampa'nassai wattu pakaramulana alloa, taunga, siagang allo lompona agamaya.” Nakajariammo anjo passalaka.

PA'JARIANG 1:14 Referans Kwoze

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

YEREMIA 31:35

Mataalloa Napasadiai Batara untu' a'jari singara' ri wattu allo; bulanga siagang sikamma bintoenga untu' ansingari bangngia. Nagoccangi tamparanga sa'genna a'rere bombanga, Batara Kaminang Koasaya, iaminjo arenNa.

PAMMUJI 148:3

Pujimi, he mataallo siagang bulanga, pujimi, he sikamma bintoeng accillaka!

PAMMUJI 148:6

Ia ampattantui massing-massing tampa'na, a'jari katantuanna satunggu-tungguna.

AMOS 5:8

Batara ampareki sikamma bintoenga ri langika – bintoeng Belanti' siagang bintoeng Kartika. Napinrai sassanga a'jari singara' siagang alloa a'jari bangngi; je'ne' battu ri tamparanga Natumpai nai' ri bontoa. Anggaukanga ngasengi anjo sikammaya iamintu Batara arenNa.

YO"EL 3:15

Mataalloa siagang bulanga a'jari sassanga siagang bintoenga tenamo naccaya.”

YEREMIA 10:2

Nakana, “Teako turuki kabiasanna bansa-bansa maraenga, siagang teako mallakki anciniki sikamma pammateia irate ri langika, nakamallakkang anjo bansa-bansaya.

PAMMUJI 81:3

Appasa'rako rabana, appasa'rako kelong, ko'bi' bajiki gambusuka siagang kacapia.

PA'JARIANG 8:22

Ilalang nia'na anne linoa, tuli lania' wattu pa'lamungang siagang wattu pakkattoang, wattu dinging siagang wattu bambang, wattu timoro' siagang wattu bara', wattu allo siagang bangngi.”

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

AMOS 8:9

Lanarapiki wattunna naKupalabu alloa ri tangnga alloa siagang a'jari sassangi linoa ri wattu alloa. INakke, Batara Kaminang Tinggia, anne akkana.

YO"EL 2:10

Lalang majuna ke'nanga, annekkereki buttaya, siagang langika amme'bereki. Nampa sassang alloa siagang bulanga, na lanynya'mo cayana sikamma bintoenga.

YEREMIA 33:20

“Le'ba'Ma' anynyikko' parjanjiang siagang alloa na bangngia, sollanna anjo alloa siagang bangngia tuli battui punna narapiki wattunna; anjo parjanjianga takkulleai nipela'.

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

YEHEZKIEL 46:1

Nakana Batara Kaminang Tinggia, “Pakke'bu' lompo bageang raya a'lampa mangea ri paranglakkeng bageang lalanga musti tuli tattongkoki lalang annang allo panjamanga. Anjo pakke'bu' lompoa allo Pammari-mariang bawang siagang allo Passua'-suarrang Bulang Beru nampa akkulle nisungke.

YEREMIA 33:25

Mingka sangkamma bateKu, iNakke, Batara, le'ba' appare' parjanjiang siagang alloa na bangngia, siagang appare' paratorang untu' angngatoroki langika siagang buttaya,

AYUB 25:5

Untu' Allata'ala, ba'lalo bulanga tena todong nasingara', na bintoenga Nakana tongi kallangngang.

PA'JARIANG 9:13

iamintu laKuboliki taraweKu ri rammanga, a'jari pammatei parjanjiangKu mae ri linoa.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.

LUKAS 23:45

Sinre'mi ta'bage rua gordeng niaka lalang ri Balla'Na Batara.

MARKUS 13:24

“Punna le'ba'mo anjo wattu kasusaanga, la'jari sassammi alloa, na tenamo naccaya singara' bulanga.

YEHEZKIEL 46:6

Ri wattu Passua'-suarranna Bulang Berua anjo passarea musti a'rupa sikayu sapi laki, annang kayu ana' gimbala', kammayatompa sikayu gimbala' laki, kabusu'na tena caca'na.

PAMMUJI 119:91

Sikontu niaka anne kamma, niaki lanri parentaTa, saba' yangaseng ke'nanga ata-atanTa.

AYUB 25:3

Maka akkullei nirekeng jaina malaeka' allayaniai? Maka nia' tampa' tanisingaria ri singara'Na?

AYUB 3:9

gassingka accayai bintoeng wari-waria, teako pa'biangngi accaya singara'na alloa! Boli'mi kamma sia-sia attayang anjo bangngia ri kabattuanna alloa siagang minasa berua.

PAPPICINI' 9:2

Jari nasungkemi anjo bintoenga anjo tubiri'na kamateanga; na nia'mo umbu assulu' battu ri anjo tubiri' tassungkea, sangkamma umbunna bara kayu lompoa. A'jari sassammi mataalloa siagang linoa napakamma anjo umbu battua ri tubirika.

PA'JARIANG 1:13

Allalomi bangngia nabattumo bari'basaka. Iaminjo allo makatallua.

PAMMUJI 150:1

Pujimi Batara! Pujimi Batara lalang ri Balla'Na! Pujimi kagassinganNa ri langika!