PA'JARIANG 1:1 - KITTA' MATANGKASA'

¹ Uru-uruna, ri wattu Napa'jarina Allata'ala sikontu apa-apaya,

PA'JARIANG 1:1 Referans Kwoze

IBRANI 11:3

Lanri tappatta, nanipahammo angkanaya anne linoa nipa'jari battu ri KananNa Allata'ala; jari, apa-apa akkullea nicini', kajariang battu ri apa-apa takkullea nicini'.

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”

IBRANI 1:10

Nakana pole Allata'ala, “Ikau Batara, uru-uru ampa'niaki buttaya siagang KalenNu ampareki langika.

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

AYUB 38:4

Nia' memang makoka ri wattunna Kupa'jari linoa? Punna jai padeng pangngassengannu, pauamMa'!

LAMPA-LAMPANA 17:24

Allata'ala ampa'jariai anne linoa siagang sikontu bonena, Iami Batarana langika siagang buttaya. Tena nalalang ammantang ri sikamma balla' rewata napareka rupataua.

2 PETRUS 3:5

Napakkunjungiangi taeroka ke'nanga angngassengi angkanaya langika siagang buttaya nipa'jari la'bi riolo tete ri kananNa Allata'ala; angkanaya je'ne' siagang battu ri je'neki nipa'jari buttaya;

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

YESAYA 44:24

Kammaminne kananNa Batara Mappasalama'nu ampa'jariako baku' lalannu ri pammanakkang, “INakkemi Batara ampa'jariai yangasenna niaka, kale-kalennaya angka'rangi langika, tena ambantuA' naKupa'jari buttaya.

YEREMIA 32:17

“O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

PAMMUJI 33:9

Saba' akkanaji bawang, na'jarimo yangasenna; ammarentaji bawang, nania'mo yangasenna.

PANGNGEBARANG 3:19

Lanri kacara'dekang, naNapa'jari Batara buttaya; lanri akkala' baji'Na naNaka'rang langika ri sikamma tampa'Na.

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAMMUJI 115:15

Poro nibarakkakiko ri Batara, ampa'jariai langika siagang buttaya!

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

PAMMUJI 136:5

Lanri kaporeanNa napa'jari langika; pangngamaseanNa sa'genna satunggu-tungguna.

YEREMIA 10:12

Napa'jari Batara buttaya lanri koasaNa, Napareki linoa lanri kacara'dekanNa na Naka'rang langika lanri akkala' poreNa.

1 KORINTUS 8:6

Mingka untu' ikatte, se'reji bawang Allata'ala. Iami Manggeta, ampa'jariai sikontu apa niaka. Untu' Iami nakiattallasa'. Kammayatompa se'reji Batara, iamintu Isa Almasi. Tete ri Iami nanipa'jari sikontu apa niaka, kammayatompa lanri Iami nakiattallasa'.

PAMMUJI 8:3

nikelongang ri ana'-ana' siagang ana' loloa. Majarreki pamarentahanTa tamakkulle nilengga untu' antongkoki bawana musua siagang balia.

PAMMUJI 102:25

Nampa kukana, “O, Allata'ala, teaKi' allei nyawaku ri tangnga-tangngana tallasakku.” O, Batara, iKatte attallasa' satunggu-tungguna,

IBRANI 3:4

Memang, tasse're-se'rea balla' tantu nia' ambangungi; mingka anjo ambangungai sikontu-kontua, iamintu KalenNa Allata'ala.

PAMMUJI 124:8

Pannulunta iamintu battu ri Batara ampa'jariai langika siagang linoa.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

PAMMUJI 121:2

Pannulungku iamintu battu ri Batara ampa'jariai langika siagang linoa.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

YESAYA 40:28

Maka tanuassengai siagang tanulangngerai? Batarami Allata'ala mannannungang, ampa'jari sikontu buttaya. Tale'bakai mangngang yareka poso; takkulleai niselangngi pikkiranNa.

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PAMMUJI 96:5

Sikontu rewatana bansa maraenga poro patung barhalaji bawang, mingka Batara, Iami ampareki sikontu apa niaka.

PAPPICINI' 10:6

Assumpai lalang arenNa Allata'ala mattallasaka satunggu-tungguna, ampa'niakai langika, buttaya, tamparanga siagang sikontu apa-apa niaka lalanganna. Nakana anjo malaekaka, “Tenamo nalanipamono' pole wattunna!

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

LAMPA-LAMPANA 4:24

Nalangngere'namo agang-aganna anjo apa nacaritaya ke'nanga, ma'julu atimi ke'nanga naassama-sama appala' doang mae ri Allata'ala. Nakana ke'nanga, “O Batara, iKattemi ampa'jari langika siagang linoa, kammayatompa tamparanga na sikontu bonena.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

YESAYA 51:16

INakke ampaka'rangi langika siagang ampadongkoki dasara'na buttaya. Kukana mae ri Sion: Ikaumi ummakKu; Kupassareangi ajarangKu mae ri kau na Kula'langiko siagang koasaKu.”

YESAYA 37:16

“O, Batara Kaminang Makoasaya, Allata'alana Israel, niaka ri empoang kala'biranTa, tena ruanTa Allata'ala angkoasai sikontu kakaraenganga ri tompo'na buttaya. IKattemi ampa'jari langika na buttaya.

PAMMUJI 146:6

Iami ampa'jari langika siagang linoa, tamparanga siagang sikontu bonena; Ia tamamminraya satunggu-tungguna.

PAMMUJI 134:3

Poro nibarakkaki ngasengko battu ri Sion ri Batara, Mappa'jaria langi' siagang lino!

PAPPICINI' 22:13

INakkemi uru-urua siagang kala'busanga; iNakkemi Batara battu ri Pakaramulaya sa'genna Kala'busanga.”

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.

MARKUS 13:19

Ri wattu battuna anjo allo-allo appakamalla'-mallaka, labattumi susa lompo dudua, tenayapa nale'ba' kajariang baku' Napa'jarina Allata'ala linoa sa'genna kamma-kamma anne, siagang tenayamo nalakajariang pole ribokoanganna.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

PAMMUJI 104:30

Mingka punna Kisare ke'nanga nappasa', nipa'jarimi ke'nanga; Kisarei katallassang beru linoa.

1 PATTOTTORANG 16:26

Rewata-rewata bansa maraenga poro barhalaji bawang mingka Batara Iami mappa'jari langi' malompoa.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

EFESUS 3:9

kammayatompa sollanna battu ri nakke nanaasseng sikontu rupataua angkana antekamma bateNa Allata'ala, – le'baka ampa'niaki sikontu anne linoa – anggaukangi ero'Na, Narahasiakanga mae ri linoa siapa sallona battu riolo.

YESAYA 51:13

Maka lanukaluppai Batara Mapa'jarinu angka'rangai langika siagang ampadongkokai dasara'na buttaya? Angngapa nunnekkere' sila'busu' allo mae ri jallo'na lapung tumanjallakkanga sadiaya ero' angngancurukko? Sikontutojenna anjo jallo'na ke'nanga talania' pakkullena mae ri kau.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

AYUB 26:13

Nappasa' antuiki langika sa'genna singara' sikali; limanNa ambunoi naga eroka lari.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

AYUB 9:8

Napaka'rangi langika natena ambali; Naonjo'-onjokangi dongko'na naga tamparanga.

YESAYA 40:21

Maka tanuassengai siagang tanulangngerai, siagang tena nanipauangko battu riolo? Maka tena nanupahangi battu riolo antekamma pakaramulana linoa?

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

2 PATTOTTORANG 2:11

Salaku balasanna anjo sura'na Karaeng Salomo, akkirimmi sura' Karaeng Hiram; na kammami anne bonena anjo suraka, “Lanri Nakamaseanna Batara umma'Na, na Naangka'maki' a'jari karaeng mae ri ke'nanga.

PAMMUJI 8:4

Punna kuciniki langi' le'baka Kipa'jari, bulanga siagang bintoeng le'baka Kitannang,