OBAJA 1:7 - KITTA' MATANGKASA'

⁷ Nitipuko ri sikamma tau nuaganga sita'gala', siagang nibongkako battu ri pa'rasangannu. Nibetako ri agang-agannu, nitannangngiko sikko' ri tau nuaganga sipangnganreang. Napakkuta'nangngangko, angkanaya, ‘Kemae ngasemmi anjo kacara'dekanna?’

OBAJA 1:7 Referans Kwoze

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

HOSEA 13:13

Nia' kasampatanna Israel untu' attallasa', mingka sanna' dongo'na sa'genna tena napa'matu-matui anjo kasampatanga. Rapangi ana' lolo lalang battang; tasalloami nalassu' mingka takkulleai assulu' battu ri pammanakkanna amma'na.

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

YEREMIA 38:22

Lalang ri anjo paccinikku, kuciniki sikontu baine niaka ija ri balla' lompoa ri Yehuda nire'resangi assulu' mange ri pagawe-pagawena karaeng Babel. Lalang a'jappana ke'nanga nakana, ‘Nipattolo-toloangi karaenga ri agang-agang baji'na, nampa nikoasai ri ke'nanga. Kamma-kamma anne ta'loposo'namo bangkenna antama' ri peoka, ammunduru' ngasemmi ke'nanga.’ ”

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PAMMUJI 41:10

Ba'lalo manna bela bajikku kaminang kupatappaka, tau kuaganga sipangnganreang, nahina tomma'.

HOSEA 7:11

Anrai' kalauki a'lampa tu Israel rapang jangang-jangang bodobangkeng toloa. Uru-uruna a'lampai taunna mange ri Mesir appala' bantuang, nampa lari mange ri Asyur.