OBAJA 1:12 - KITTA' MATANGKASA'

¹² Tena nusiratang lasannang nyawanu mae ri sare kodina tu Yehuda siagang rannu pa'mai'nu ri allo kapanrakanna anjo sari'battannu. Tena nusiratang a'bicara lompo ri wattu natujuna susa.

OBAJA 1:12 Referans Kwoze

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

PANGNGEBARANG 17:5

Inai ancau-caui tu kasi-asi puppusuka, nahinai Allata'ala Mappa'jarina. Inai rannu lanri kasusaanna tau maraenga, mattantu anggappana hukkungang.

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

PAMMUJI 37:13

Mingka nikakkali ri Batara tu ja'dalaka, saba' Naassengi angkana a'reppese'mi kale'bakkanna.

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 22:17

Nikatulunga' ri garombolang tau ja'dalaka; sanrapang kongkong jaia ke'nanga angkatulunga, anto'do'-to'doki limangku siagang bangkengku.

AYUB 31:29

Tale'baka' rannu lanri pa'risi'na musungku, yareka lompo pa'maikku lanri anggappana bala.

PAPPICINI' 13:5

Nilappassammi anjo olo'-oloka ampaui bicara-bicara sannaka tampona siagang anghinai Allata'ala. Nipa'biammi ammarenta patampulo anrua bulang sallona.

YAKOBUS 3:5

Kammatommi anjo pangngebaranna lilata; manna sanna' ca'dina anjo lilata, mingka akkullei napattampoang kalenna ri passala' apa-apa lompoa. Nawa-nawa sai antekamma lompona romanga, mingka akkullei akkanre passabakkang pepe' sannaka ca'dina!

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

YESAYA 37:24

Akkiringko tau untu' akkana borro, angkanaya lanri jaina kareta bundu'nu, nupatundu'mi sikamma moncong kaminang tinggia ri Libanon. Nupattampo-tampoangi kalennu angkanaya le'ba'mi nuta'bang sikamma poko'-poko' camarana kaminang tinggia siagang kaminang ga'gaya, kammayatompa nutarrusu'mi sikamma romang kaminang ka'ba'na.

PAMMUJI 92:11

Kipa'jari kassaka' sanrapang tedong romang liaraka, na Kibarakkakia' siagang kate'neang.

PAMMUJI 59:10

IKattemi kagassingangku, manrannuanga' mae ri Katte, iKatte tampa' palariangku, o, Allata'ala.

PAMMUJI 54:7

LaNahukkungi musungku siagang kaja'dallang kalenna ke'nanga, laNapossoki ke'nanga lanri tamamminrayai mae ri nakke.

AYUB 18:20

Nalangngere'na sarenna, ta'bangkai pandudu' ilau', na pandudu' rayaya, annekkere'mi lanri malla'.

PAMMUJI 35:15

Mingka ri wattungku susa, sannangi pa'mai'na ke'nanga, siagang a'rappungammi ambalianga'. A'jappa keppang-keppangi ke'nanga untu' ancau-caua'.

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

YEHEZKIEL 35:12

Jari lanuassemmi angkanaya iNakke, Batara, Kulangngere'mi kana pacau-caunu ri wattunnu angkana: Moncong-monconga ri Israel a'jari sinoi siagang nipassareangi a'jari koro'banta.