NEHEMIA 9:37 - KITTA' MATANGKASA'

³⁷ Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

NEHEMIA 9:37 Referans Kwoze

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

YOHANES 8:33

Nakanamo ke'nanga, “Ikambe anne sossorannaki' Abraham. Tenale'bakapaki' ikatte nipare' ata ri tu maraenga! Apa nataba kananNu naNuangkana, ‘Nula'jari maradeka?’ ”

NEHEMIA 5:8

Kukanamo ri ke'nanga, “Nipikulle-kulleimi nakkulle nipasulu' sikamma sari'battanta tu Yahudi ia tarpassaya ambalukangi kalenna mae ri bansa maraenga. Mingka angngapa nakamma-kamma anne ikau ngaseng ba'lalo ampassai ke'nanga ambalukangi kalenna mae ri kau ngaseng, na ikau tu Yahudi ngaseng tonjako!” Tappialiami anjo sikamma pamimpinga manna sibuku kana.

EZRA 6:8

Kamma-kamma anne kuparentakang ngasengko sollanna nubantu ke'nanga lalang anjo pambangunanga. Kamma anne batenu ambantui: Sikontu ongkoso' pambangunanga musti nuallei battu ri wassele' paja' negaraya ri propinsi Efrat bageang ilau' nampa musti nusareangi ke'nanga silinta'-linta'na.

EZRA 4:13

Punna akkulle nabangung ammotere' anjo kotaya siagang le'ba' nabangung tembo'-tembo' kalli'na, talaerokami pandudu'na a'bayara' paja', sa'genna kurammo panggappanna kakaraenganga.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

PAOLE 28:39

Lanulamungi siagang lanuparakai koko-koko anggoro'nu, mingka tena nanugappai rappo anggoro'na yareka je'ne' anggoro'na, lanri anjo poko'-poko' anggoroka la'busuki nakanre olo'.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

PIRAUNG 5:5

Rapang olo'-olo' nipassai ikambe anjama battala', mangngangi ikambe, mingka tanikellaiaki' ammari-mari.