NEHEMIA 9:33 - KITTA' MATANGKASA'

³³ Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

NEHEMIA 9:33 Referans Kwoze

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

PAMMUJI 145:17

Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

PAMMUJI 119:137

IKatte adelekKi', o Batara, sikontu hukkunTa annaba sikali.

AYUB 34:23

Taparalluai Napattantu Allata'ala wattunna, battu rupataua untu' Naadeli.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

NEHEMIA 9:34

Boena ikambe, karaeng, imang, siagang sikamma tutoa-toaya, nadakkai hukkunTa siagang nabawang-bawangngangi. Sikontu parenta siagang pappakainga' Kipassareanga, tanajampangiai, tena todong napilangngeri.

YEREMIA 44:3

Nakajariang ngaseng anjo sikammaya lanri dorakai pandudu'na, sa'genna napakallaroA'. Assarei ke'nanga koro'bang siagang anynyombai mae ri rewata-rewata tenaya nale'ba' nasomba ke'nanga, tenaya nale'ba' nusomba yareka nasomba boe-boenu.

KALAPPASSANG 32:31

Nampa a'lampa poleammo Musa andallekang ri Batara, na nakana, “Anjo bansaya le'ba'mi a'gau' dosa lompo. Appareki ke'nanga rewata battu ri bulaeng.

NEHEMIA 9:8

Kigappai majarre' siagang mappilangngeri ri Katte. Nampa apparekKi' parjanjiang majarre' siagang ia. Butta Kanaan, Het siagang Amori, butta Feris, Yebus siagang Girgasi, yangasenna anjo laKipassareangi ri ia a'jari pammantangang sikontu turunganna. Nampa Kirupai anjo janjinTa ri ia. Nasaba' adele' siagang majarrekKi' ri janjinTa.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”