NEHEMIA 9:17 - KITTA' MATANGKASA'

¹⁷ Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

NEHEMIA 9:17 Referans Kwoze

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

ROMA 9:15

Nasaba' Nakana Allata'ala mae ri Musa, “LaKupappicinikangi barakkakKu, mae ri tau eroka Kupicinikiang barakkakKu, siagang laKupappicinikangi pangngamaseangKu mae ri tau eroka Kupicinikiang pangngamaseangKu.”

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

1 KARAENG-KARAENG 6:13

LammantangA' lalang anrinni ri balla' nubangunga ri tangnga-tangngana ummakKu Israel. Tena nalaKubokoi ke'nanga.”

PAMMUJI 106:7

Wattunna ri Mesir tena napahangi boe-boena ikambe; tanapahangai bate pare' malompoTa. Nakaluppai pangngamaseang alla'biTa, ri ampi'na Tamparang Alara' angngewai ke'nanga mae ri Kaminang Tinggia.

PAMMUJI 78:11

Nakaluppai ke'nanga sikamma apa le'baka Nagaukang, siagang apa-apa appakalannasa' le'baka nipa'nyatangi ke'nanga.

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

PAMMUJI 106:13

Mingka linta'mi nakaluppai ke'nanga apa le'baka Nagaukang Batara siagang anggaukang apa-apa tamappala' tangara'Na.

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

LAMPA-LAMPANA 7:39

Mingka manna nakamma, taerokai boe-boeta anturuki kananna. Nisorongbokoi ri ke'nanga, siagang erokangangi ke'nanga ammotereka mange ri butta Mesir.

PANGNGEBARANG 1:24

Le'ba' mako kukio' ngaseng, mingka taerokako siagang tena ngaseng nujampangi.

PAMMILANGNGANG 16:14

Sikontutojenna tena nanuerangi ikambe mange ri butta copponga yareka tena nanusarei ikambe koko siagang koko anggoro' untu' pisaka mae ri kambe! Kamma-kamma anne erokko antipui ikambe! Tena! Tena naero' ikambe battu mae ri kau!”

PAMMILANGNGANG 14:41

Mingka nakanamo Musa, “Angngapa nuero' kamma-kamma anne andakkai parentaNa Batara? Tena nalanjari pattujunnu!

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

NEHEMIA 9:31

Mingka lanri teai sipato' lompona pangngamaseanTa, tena Kibokoi yareka tena Kiancuruki ke'nanga. Memang iKattemi Allata'ala tenaya sangkammanTa; lompoi pangngarimanginTa, sukkuki pangngamaseanTa!

YEREMIA 19:15

angkanaya Batara Kaminang Koasaya, Allata'alana Israel, akkana kammai anne, “Lanri kapala batunu siagang taerokako mappilangngeri, laKupabattui sikontu balaya mae ri anne kotaya siagang sikontu desa niaka ri tammulilina, iamintu bala le'baka Kurancana.”

YEHEZKIEL 5:6

Mingka Yerusalem natollaki parentaKu siagang a'nassami angkana ja'dallangngangi nabansa-bansa maraenga, ba'lalo la'bi tenangngang namannuruki nabansa-bansa maraenga ri tammulilina. Nadakkai Yerusalem parenta-parentaKu siagang taerokai tundu' mae ri hukkung-hukkungKu.”

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

KALAPPASSANG 32:9

Kuassengi angkanaya anjo bansaya sanna' kapala batuna.

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.