NEHEMIA 9:12 - KITTA' MATANGKASA'

¹² Kipimping ke'nanga siagang allung ri wattu singara' alloa. Ri wattunna bangngi Kisingari oloanna siagang benteng pepe'.

NEHEMIA 9:12 Referans Kwoze

NEHEMIA 9:19

Mingka manna ri paranga taKibokoiai ke'nanga, lanri sukkutTa ri pangngamaseang. TaKipalesangngai ammotere' benteng allung siagang pepe', angngului ri jappana ke'nanga allo bangngi.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

PAMMUJI 105:39

Naka'rangi Batara rammanga untu' alla'langi umma'Na, siagang pepe' untu' ansingari ke'nanga ri wattu bangngi.

PAMMUJI 78:14

Naului ke'nanga siagang rammang ri wattu allo nampa nasare singara' pepe' sila'busu' bangngi.

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

PAOLE 1:33

Ia niaka a'jappa ri dallekannu ampa'boyangko tampa' untu' akkema. Ia anjo'jokangko oloang punna bangngi lalang rupa benteng pepe', siagang a'rupa benteng rammang punna allo.”

PAMMILANGNGANG 9:21

Nia' wattu nammantang anjo rammanga poro battu ri karuenna sa'genna bari'basa', na punna nai' anjo rammanga ri bari'basa'na, a'lampami ke'nanga. Kere wattu nanai' anjo rammanga, baji' naallo yareka bangngi, a'lampami ke'nanga.

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.