NEHEMIA 8:9 - KITTA' MATANGKASA'

⁹ Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

NEHEMIA 8:9 Referans Kwoze

NEHEMIA 7:70

Jai ri ra'yaka assare sumbangang untu' ampakaringangngi ongkoso'na pappakabajikanna Balla'Na Batara ri Yerusalem: Battu ri guburnur – 8 kilo battala'na bulaeng 50 mangko' untu' upacara 530 juba imang Battu ri kapala golongang bijaya – 168 kilo battala'na bulaeng 1.250 kilo battala'na pera' Battu ri tau maraengannaya – 168 kilo battala'na bulaeng 140 kilo battala'na pera' 67 juba imang

NEHEMIA 7:65

Guburnurna daera Yehuda tanapa'biangai ke'nanga angnganre kanre nipassareanga mae ri Allata'ala, sa'genna nia' sitau imang akkulle appala' pitunju' ammake Urim siagang Tumim.

PAOLE 12:12

A'rannu-rannuko ri dallekanNa Karaeng Allata'alanu, siagang sikamma ana'-ana'nu, ata-atannu siagang sikamma tu Lewi ammantanga ri kota-kotanu, lanri anjo tu Lewi tena nanggappa pambageang butta ri pa'rasangannu.

NEHEMIA 8:2

Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

PAOLE 16:11

A'rannu-rannuko ri dallekanNa Karaeng Allata'alanu, ri anjo tampa' le'baka Napattantu, siagang ngaseng ana'-ana'nu, ata-atannu, kammayatompa tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

ROMA 7:9

Riolo tena nakuassengi anjo hukkung-hukkung agamaya ilalang tallasakku. Mingka ri wattunna ammumbamo anjo hukkung-hukkung agamaya, appakkaramulami attallasa' dosaya, nakumatemo inakke.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

MALEAKHI 2:13

Siagang anne pole paggaukannu maraenga. Tampa' pakkoro'bangnganNa Batara nupirassi je'ne' mata; angngarrukko siagang appiraungko lanri taerokami Batara antarimai koro'bang-koro'bannu.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

NEHEMIA 12:26

Wattu attallasa'na ke'nanga iamintu ri jammang Yoyakim ana'na Yesua, cucunna Yozadak, siagang ri jammang guburnur Nehemia, kammayatompa Imang Ezra panrita Hukkunga.

NEHEMIA 10:1

Uru-urua annekeng iamintu guburnur Nehemia ana'na Hakhalya. Nampa amminawang Zedekia. Le'baki anjo sikamma anne tau nitappua irawa annekeng tongi:

EZRA 7:11

Iaminne dokumeng napassareanga Karaeng Artahsasta mae ri Ezra, imanga siagang panrita Hukkung,

2 PATTOTTORANG 35:3

Sikamma tu Lewi le'baka nitangkasi untu' Batara, siagang a'jari guru-gurua ri tu Israel anggappai parenta kamma anne battu ri Yosia, “Boliki anjo Patti Parjanjiang matangkasaka lalang ri Balla'Na Batara nabangunga Karaeng Salomo ana' bura'nena Daud. Tea' mako palesso'-lessoki pole ri batena. Layani Karaeng Allata'alanu siagang bansa Israel umma'Na.

2 PATTOTTORANG 34:21

“A'lampako mange akkuta'nang ri Batara untu' inakke siagang untu' sikontu tu Israel siagang tu Yehuda niaka ija kamma-kamma anne ri passala'na bonena anne kittaka. Larroi Batara mae ri katte lanri tena nagaukangi boe-boeta sikamma apa niparentakanga lalang ri anne kittaka.”

2 PATTOTTORANG 34:19

Nalangngere'na karaenga bonena anjo kittaka, nakae-kaemi pakeanna napakamma si'na pa'mai'na.

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,

2 PATTOTTORANG 15:3

Sallo sikali tena namanynyomba tu Israel mae ri Allata'ala matojenga, tena nakatutui hukkung-hukkung mustia naturuki ke'nanga, siagang tena imang-imang angngajarakai ke'nanga.

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

2 KARAENG-KARAENG 22:11

Nalangngere'na karaenga antekamma bonena anjo kittaka, nakae-kaemi pakeanna napakamma si'na pa'mai'na.

PAOLE 26:14

Battu ri anjo passare bage sampuloa battu ri panggappanga, manna sike'de' tania' kukanre ri wattungku susa kamateang; yareka tena kuerang assulukang balla' ri wattungku ra'masa', yareka kupassareangi salaku pappatala untu' tau matea. Mannurukima' mae ri Katte, o, Batara; sikontu apa Kiparentakanga ri passala'na anjo passare bage sampuloa battu ri panggappanga, le'ba'mi kugaukang ngaseng.

YAKOBUS 4:9

Paralluko angngarru' siagang appiraung lanri nusassala' tojenna kalennu; parallui amminra kakkala'nu a'jari karru', siagang amminra karannuannu a'jari si'na!