NEHEMIA 8:2 - KITTA' MATANGKASA'

² Nampa naerammo Ezra anjo kittaka mae ri dallekanna anjo pa'rappungang tau jaia, iamintu bura'ne, baine siagang ana'-ana' anggannakamo umuru'na untu' akkulle ampahangi.

NEHEMIA 8:2 Referans Kwoze

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAMMILANGNGANG 29:1

Ri tanggala' se're bulang tuju musti asse're ngasengko untu' anggaukangi ibadaya, siagang takkulleako anggaukangi jama-jamang battalaka. Anjo alloa musti nipasa'rai sikamma tarompeka.

LAMPA-LAMPANA 15:21

Nasaba' battu riolo duduji napabattu Musa passuroNa Allata'ala, siagang tuli nibacami punna allo Pammari-mariang ri sikamma balla' sambayanga siagang nibirittakang ri kota-kotaya.”

YESAYA 28:9

Akkunrarengi ke'nanga passala' ri nakke, nakana, “Nakana kalenna inai naajara'? Inai todong parallu pappakasingara' battu ri ia? Nakanaka ikatte anne ana' ca'di beru nisa'la susu?

PAOLE 17:18

Punna nia' tau nilanti' a'jari karaeng, musti nisarei kitta' niaka lalang nitulisi' hukkung-hukkunNa Allata'ala, ia nipalembaya battu ri kitta' aslia nabolika imang-imang Lewi.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

NEHEMIA 9:1

Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

YOSUA 8:35

Sikamma parentana Musa nabacakangi Yosua mae ri sikontu umma' Israel niaka asse're anjoreng, kammayami tubai'-bainea, ana'-anaka, siagang sikamma bansa maraeng niaka ammantang ri alla'na ke'nanga.

NEHEMIA 8:18

Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

NEHEMIA 10:29

Nipasse're ngasemmi kalenta siagang sikamma pamimpinna ikambe untu' assumpa lattallasa' situru' hukkunNa Allata'ala, ia le'baka Napassareang tete ri atanNa iamintu Musa. Poro nitunrai ikambe punna tanarupaia ikambe anne parjanjianga. Assumpai ikambe lamannuruki ri sikontu parentaNa, hukkunNa siagang paratoranNa Batara, Allata'alana ikambe.

NEHEMIA 13:1

Ri wattunna nibaca ri dallekanna ra'yaka hukkung Musa, nigappami kasingarang angkanaya: ‘Tu Amon siagang tu Moab, tena sikali nakkulle sicampuru' siagang umma'Na Allata'ala;