NEHEMIA 6:7 - KITTA' MATANGKASA'

⁷ Nampa nia'mo siapa are na'bi nujo'jo' untu' allantikko ri Yerusalem. Anne kaba'-kabaraka mattantu labattuna mange ri karaenga. Lanri kammana, battu mako nampa nibicara anjo passalaka.”

NEHEMIA 6:7 Referans Kwoze

LAMPA-LAMPANA 23:15

Jari, akkiring maki' sura' siagang anggota-anggota Pangadelang Agamaya mae ri anjo komandang pasukanna tantara Romaya. Kipalaki ri anjo komandanga sollanna naerang pole Paulus ri pangadelang agamaya, sangkamma eroki kiparessa baji'-baji' ammotere' parkarana. Nampa sadia memang ikambe ambunoi ilalang tenanapa nanrapi' mae anrinni.”

1 KARAENG-KARAENG 1:34

Anjoreng musti niangkaki ri Zadok siagang Natan a'jari karaeng Israel. Le'baki anjo musti nupasa'rai tarompeka nampa akkio' rannuko angkana, ‘Mattallasaki Karaeng Salomo!’

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

1 KARAENG-KARAENG 1:18

Mingka kamma-kamma anne tena nakiassengi angkanaya Adonia a'jari karaemmi.

1 KARAENG-KARAENG 1:7

A'lampami sipa'bicara siagang Yoab siagang Imang Abyatar. Amma'na Yoab niarengi Zeruya. Yoab siagang Imang Abyatar situjui untu' ambantui usahana Adonia.

NEHEMIA 6:6

Na ia bonena anjo suraka iamintu: “Napakkontutojengi Gesyem nia'na kaba'-kabara' niaka nacarita bansa-bansa niaka ri tammulilina anne pa'rasanganga, angkanaya ikau siagang sikontu tu Yahudia a'rancanako ero' apparicu, na iaminjo saba'na nanupakabaji' tembo' kalli'na kotaya. Napau tongi angkanaya erokko angngangkaki kalennu a'jari karaeng Yehuda.

NEHEMIA 6:8

Mingka kubalasa'mi anjo suraka angkana, “Sikontu anjo nupaua sangnging bicara kosong siagang bate pare'-pare'nuji bawang.”